18.07.2018 / 12:34

У Хатыні засохла адна з бяроз над Вечным Агнём. Спецыялісты з Акадэміі навук спрабуюць яе рэанімаваць ФОТА 16

У Хатыні ля Вечнага Агню засохла адна з бярозак, паведаміў «Нашай Ніве» чытач Уладзімір Мірончык.

Тры бярозкі і агонь на месцы чацвёртай сімвалізуюць кожнага чацвёртага беларуса, які загінуў на вайне.

Намесніца дырэктара Дзяржаўнага мемарыяльнага комплекса «Хатынь» Святлана Каспяровіч расказала, што пакуль бярозу спілоўваць не будуць: «Калі мы заўважылі, што бяроза засыхае, адразу звярнуліся да спецыялістаў з Акадэміі Навук. Яны прызначылі дрэву рэанімацыйныя мерапрыемствы». 

Бярозе ўносіцца карнявая падкормка, у ствале зрабілі адтуліны, праз якія ўносяцца вітаміны.

«Выглядае гэта быццам бярозе паставілі кропельніцу. Спецыялісты з Цэнтральнага батанічнага саду, што прыязджалі да нас, расказалі, што нягледзячы на свой узрост бярозка яшчэ не загінула, і яшчэ ёсць шанец яе выратаваць», — кажа Святлана Каспяровіч.

Налета мемарыяльны комплекс «Хатынь» адзначыць сваё 50-годдзе. Тыя бярозкі садзіліся ўжо ў «падлеткавым» узросце. Значыцца, ім цяпер гадоў 55. 

«А бяроза жыве гадоў 70. Пакуль нічога мы прадпрымаць не будзем. Пачакаем, як яна будзе сябе паводзіць на наступную вясну. Калі не выратуем, то будзем думаць, што з гэтым рабіць», — тлумачыць намесніца дырэктара. 

Наталля Тур, фота Уладзімір Мірончык

3
Галя / Адказаць
18.07.2018 / 13:01
Дык ужо ў школах і ўніверсітэтах вучаць даўно што кожны трэці памёр. Так што правільна бяроза зрабіла, што засохла
0
Strannik_by / Адказаць
18.07.2018 / 13:13
 Все правильно. 24 года сами знаете чего еще четверть белорусов скосили....
13
Маланка / Адказаць
18.07.2018 / 13:17
Толькі загінуў "не кожны чацвёрты беларус" , а кожны чацвёрты грамадзянін (жыхар) Беларусі. З усіх загінуўшых - абсалютная большасць было габрэяў, а не беларусаў.
Гульня слоў, за якой савецкія улады чамусці стварылі і прыхоўвалі хлусню. Каб надаць большай трагічнасьці беларусам ? Навошта? Няўжо хтосці лічыць, што беларусам гора не хапала?
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру