19.07.2018 / 13:54

Ізраіль становіцца афіцыйна яўрэйскай дзяржавай 37

Кнесет, парламент Ізраіля, прыняў закон, згодна з якім Ізраіль з гэтага часу з'яўляецца яўрэйскай дзяржавай.

У рамках закона, сярод іншага, паніжаецца статус арабскай мовы, што да гэтага часу была адной з афіцыйных моваў краіны.

У законе таксама гаворыцца, што Іерусалім — адзіная і непадзельная сталіца Ізраіля.

Арабскія дэпутаты кнесета асудзілі гэты закон, але прэм'ер-міністр Біньямін Нетаньяху назваў яго прыняцце паваротным момантам

Паводле новага закона, які падтрымліваецца ўрадам краіны, Ізраіль — гістарычная радзіма яўрэйскага народа, які валодае выключным правам на нацыянальнае самавызначэнне на гэтай тэрыторыі.

Дэбаты ў кнесеце былі бурнымі і працягваліся больш за восем гадзін. За законапраект прагаласавалі 62 дэпутаты, супраць - 55.

Аднак некаторыя артыкулы законапраекта былі выдалены з яго канчатковай версіі з-за крытыкі з боку прэзідэнта і генеральнага пракурора Ізраіля. Так, адным з артыкулаў меркавалася ўзаконіць стварэнне чыста яўрэйскіх раёнаў або гарадкоў.

Арабы складаюць каля 20% 9-мільённага насельніцтва Ізраіля.

Згодна з існуючым заканадаўствам арабы карыстаюцца ўсімі правамі грамадзян Ізраіля, але пры гэтым яны часта скардзяцца на дыскрымінацыю і на тое, што дзяржава траціць менш на сацыяльныя патрэбы іх супольнасці ў такіх сферах, як адукацыя, ахова здароўя і прадастаўленне жылля. Па іх словах, арабы ў Ізраілі часта адчуваюць сябе грамадзянамі другога гатунку.

Няўрадавая арганізацыя «Адала», якая абараняе правы арабскага насельніцтва, назвала новы закон спробай дасягнуць этнічную перавагу пры дапамозе расісцкай палітыкі.

На мінулым тыдні Біньямін Нетаньяху выступіў у падтрымку закона. «Мы будзем і далей забяспечваць грамадзянскія правы ў ізраільскай дэмакратыі, але ў большасці таксама ёсць правы, і большасць прымае рашэнні», — сказаў прэм'ер-міністр.

3
Юрась / Адказаць
19.07.2018 / 13:59
Не ведаю як Ізраілю, а Беларусі аналагічны закон жыццёва неабходны.
0
Васисуалий Лоханкин / Адказаць
19.07.2018 / 14:08
А почему до сих пор Израиль не имеет конституции официально утвержённой?
6
О. дают / Адказаць
19.07.2018 / 14:15
Почему же мирно не живут на этой территории. соседи не нравятся или какой-то бумажки не было? 
Паказаць усе каментары/ 37 /
Каб пакінуць каментар, калі ласка, актывуйце JavaScript у наладах свайго браўзеру