19.07.2018 / 14:18

Мужчына, які тры ночы спальваў у печы труп сваёй маці, атрымаў тры гады калоніі 14

У Пінску абвясцілі прысуд па абвінавачванні 41-гадовага жыхара горада, які тры ночы спальваў у печы цела сваёй загінулай маці.

26 лютага абвінавачваны звярнуўся ў міліцыю з заявай аб знікненні без вестак яго маці: маўляў, у пачатку лютага 75-гадовая жанчына забрала свае рэчы і накіравалася ў невядомым напрамку.

Праваахоўнікі выказалі здагадку, што знікненне жанчыны можа мець крымінальны характар.

Пазней мужчына прызнаўся, што ў ноч на 4 лютага падчас сваркі ён штурхнуў маці, у выніку чаго яна стукнулася галавой аб сметніцу. Увечары ён пабачыў, што маці памерла. Тры ночы мужчына спальваў яе цела ў хатняй печы.

Першапачаткова ў дачыненні да абвінавачанага была распачата справа за забойства, але пазней яна была перакваліфікавана. У судзе ён паўстаў па абвінавачванні ў прычыненні менш цяжкага цялеснага пашкоджання па неасцярожнасці, у наўмысным прычыненні лёгкага цялеснага пашкоджання і ў здзек з трупа.

Суд прызнаў яго вінаватым і па сукупнасці злачынстваў прызначыў 3 гады пазбаўлення волі ў калоніі агульнага рэжыму, паведамляе прэс-служба Вярхоўнага суда.

Прысуд не ўступіў у законную сілу і можа быць абскарджаны і апратэставаны.

11
честь по чести / Адказаць
19.07.2018 / 14:41
Правильно. Велосипедисту , сбившему девушку, вообще ничего. Только талоны на усиленное питание.
1
развагі / Адказаць
19.07.2018 / 14:43
Шкадуюць лукашыстыя вычварэнцаў. Маглі б і як "пухавіцкіх старыкоў" дахаты адпусціць.
2
ўантуфры / Адказаць
19.07.2018 / 14:48
Такія беларусы гэтай уладзе патрэбны. Не патрэбны ёй тыя хто не пье, працуе і хоча жыть добра - яны ворагі для гэтай улады. Ганьба прарасейскай вертыкалі.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру