Вярхоўны суд Іспаніі адмяніў міжнародны ордэр на арышт шасці каталонскіх палітыкаў, якія выступаюць за аддзяленне Каталоніі ад Мадрыда, у тым ліку былога прэзідэнта рэгіёну Карлеса Пучдэмона, паведамляе AP.

Рашэнне прынялі пасля таго, як нямецкі суд нядаўна адмовіў у экстрадыцыі Пучдэмона ў Іспанію па справе аб падрыхтоўцы паўстання, дазволіўшы выдаць яго іспанскім уладам па абвінавачванні ў растраце.