20.07.2018 / 14:14

Прахадныя балы БДУ: рэзка знізілася папулярнасць сацыялогіі, філасофіі і тэалогіі — вынікі ўступнай кампаніі 5

Адбылося першае пасяджэнне прыёмнай камісіі БДУ па залічэнні абітурыентаў на дзённую і завочную бюджэтную форму навучання. Былі падведзены вынікі залічэння на факультэты: міжнародных адносін, радыёфізікі і камп'ютэрных тэхналогій, прыкладной матэматыкі і інфарматыкі, філасофіі і сацыяльных навук, а таксама ў Інстытут тэалогіі імя св. Мяфодзія і Кірыла.

На факультэт міжнародных адносін на бюджэтныя месцы залічаны 67 абітурыентаў. На спецыяльнасць «лінгвакраіназнаўства» прахадны бал склаў 383 (у 2017 г. — 381). Пяць абітурыентаў залічана без іспытаў (пераможцы алімпіяд або дзеці-сіроты).

На спецыяльнасць «мытная справа» залічаны 17 абітурыентаў. Сярод залічаных 2 прыняты без іспытаў, 6 па мэтавым прыёме. Прахадны бал склаў 372 (у 2017 г. — 359).

На групу з двух спецыяльнасцяў эканамічнага профілю гэтага факультэта па аб'яднаным конкурсе залічана 20 абітурыентаў, прахадны бал склаў 377 (у 2017 г. — 366). На асобныя спецыяльнасці прахадныя балы склалі:

— «сусветная эканоміка» — 387 (у 2017 г. - 371);

— «менеджмент (напрамак — менеджмент у сферы міжнароднага турызму)» — 377 (у 2017 г. — 366).

На групу з двух спецыяльнасцяў профілю міжнародныя адносіны па аб'яднаным конкурсе залічана 22 абітурыенты, прахадны бал склаў 382 (у 2017 г. — 384). На асобныя спецыяльнасці прахадныя балы склалі:

— «міжнароднае права» — 382 (у 2017 г. — 384);

— «міжнародныя адносіны» — 383 (у 2017 г. — 384).

На факультэт радыёфізікі і камп'ютарных тэхналогій па спецыяльнасцях аб'яднанага конкурсу дзённай формы навучання залічана 204 абітурыенты, з іх адзін прыняты без экзаменаў. Прахадны бал склаў 265 (у 2017 г. - 284). На асобныя спецыяльнасці прахадныя балы склалі:

— «камп'ютарная бяспека (напрамак — радыёфізічныя метады і праграмна-тэхнічныя сродкі)» — 317 (у 2017 г. - 317);

— «прыкладная інфарматыка (напрамак - інфармацыйныя тэхналогіі тэлекамунікацыйных сістэм)» - 310 (у 2017 г. - 309);

— «радыёфізіка» - 278 (у 2017 г. - 295);

— «аэракасмічныя радыёэлектронныя і інфармацыйныя сістэмы і тэхналогіі» — 283 (у 2017 г. — 290);

— «фізічная электроніка» — 265 (у 2017 г. - 284).

На факультэт прыкладной матэматыкі і інфарматыкі па аб'яднаным конкурсе залічаны 276 абітурыентаў, прахадны бал склаў 327 (у 2017 г. — 335). Сярод залічаных 33 прыняты без экзаменаў. Прахадныя балы па спецыяльнасцях і напрамках:

 — «прыкладная інфарматыка (напрамак - праграмнае забеспячэнне камп'ютэрных сістэм)» - 371 (у 2017 г. - 372);

— «інфарматыка» - 364 (у 2017 г. - 360);

- «актуарная матэматыка» - 339 (у 2017 г. - 352);

- «камп'ютарная бяспека (напрамак - матэматычныя метады і праграмныя сістэмы)» - 356 (у 2017 г. - 352);

- «прыкладная матэматыка» - 340 (у 2017 г. - 341);

- «эканамічная кібернетыка» - 327 (у 2017 г. - 335).

На спецыяльнасці факультэта філасофіі і сацыяльных навук залічана 64 абітурыенты.

На групу з трох спецыяльнасцяў па аб'яднаным конкурсе залічана 34 абітурыенты, з іх 3 абітурыента без экзаменаў. Прахадны бал па аб'яднаным конкурсе - 296 (у 2017 г. - 345). На асобныя спецыяльнасці прахадныя балы склалі:

— «сацыяльныя камунікацыі» — 355 (у 2017 г. - 365);

— «сацыялогія» — 298 (у 2017 г. -345);

— «філасофія» — 296 (у 2017 г. -345).

На групу з двух спецыяльнасцяў па аб'яднаным конкурсе залічаны 30 абітурыентаў, з іх 5 абітурыентаў па мэтавым прыёме. Прахадны бал па аб'яднаным конкурсе - 274. На асобныя спецыяльнасці прахадныя балы склалі:

— «псіхалогія» — 326 (у 2017 г. - 325);

- «сацыяльная праца» - 274 (у 2017 г. - 263).

На спецыяльнасць «тэалогія» Інстытута тэалогіі імя святых Мяфодзія і Кірыла залічаны 25 абітурыентаў, прахадны бал склаў 163 (у 2017 г. - 226)

Вынікі залічэння на іншыя факультэты стануць вядомыя пазней.

2
абитурыент 2012 / Адказаць
20.07.2018 / 14:34
Дзякуй НН за цикавую инфармацыю. У нашыя гады было иначэй.
4
Юрась Беларус / Адказаць
20.07.2018 / 15:52
Гэта пры тым, што гэта - толькі лічбы, а колькасць рэальных абітурыентаў будзе значна меней за пададзеныя дакументы. Тут справа тонкая. Шмат хто спрабуе паступіць у замежныя ВНУ. Дзеля гэтага дастаткова падаць дакументы ў электронным выглядзе. На выпадак, калі нешта не зрасцецца ў замежжы, падаюць рэальныя дакументы ў беларускія ВНУ. Калі зрастаецца ў замежжы, залічаныя ў беларускія ВНУ абітурыенты проста па факце не выходзяць на вучобу ў Беларусі. Таму палічым цыплянят па восені.
4
гарадзенка / Адказаць
20.07.2018 / 16:49
Няма ніякага сэнсу вучыцца ў БДУ, ці ў нашым ГрДУ, толькі марнаваць час і грошы. Ніякіх ведаў не набудзеш, нават забудзеш школьную праграму, бо ў школе яшчэ засталіся сям-там нармальныя выкладчыкі, а ў ВНУ ўжо не, усіх добрых выкладчыкаў пазвальнялі, а засталіся выключна шэраціна і лізаблюды, якія самыя нуль і, вядома, нічаму студэнтаў проста не ў стане навучыць. Асабліва хто вучыцца платна, няма чаго карміць гэтых лукашыстаў у ВНУ.
Трэба старацца вучыцца за мяжой, а калі няма магчымасці, дык набываць хоць якія небудзь рабочыя спецыяльнасці.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру