20.07.2018 / 21:30

Спартсмены з Беларусі, якія будуць пераходзіць у іншыя зборныя, цяпер павінны вярнуць грошы за сваю падрыхтоўку 15

Савет міністраў Беларусі зацвердзіў палажэнне аб парадку кампенсавання сродкаў, выдаткаваных на спартыўную падрыхтоўку.

Выпадкі звароту сродкаў, выдаткаваных на спартыўную падрыхтоўку, вызначаны Законам «Аб фізічнай культуры і спорце». Гэта сістэматычнае парушэнне абавязкаў па ўдзелу спартсмена ў афіцыйных спартыўных мерапрыемствах (за выключэннем выпадкаў, звязаных з пагаршэннем стану здароўя), выступленне за нацыянальныя і (або) зборныя каманды іншых дзяржаў, адмова ад заключэння грамадзянска-прававога дагавора аб спартыўнай падрыхтоўцы або працоўнага дагавора.

Для спартсмена, які мае спартыўнае званне «майстар спорту Беларусі міжнароднага класа», памер кампенсацыі складзе 400 базавых велічынь, або 9800 рублёў (цяпер базавая велічыня складае 24,5 рубля), спартыўны разрад кандыдата ў майстры спорту ў гульнявых відах спорту, спартыўнае званне майстра спорту ў іншых відах спорту — 350 базавых велічынь (8575 рублёў), пры адсутнасці ў спартсмена спартыўнага звання ці спартыўнага разраду — 100 базавых велічынь (2450 рублёў).

11
Веравойша / Адказаць
20.07.2018 / 21:46
А вось я лепей бы адпраўляў іх адпрацоўваць ў месцячковыя школы настаўнікамі фізкультуры на 2 гады
0
Юрась Беларус / Адказаць
20.07.2018 / 22:04
А насамрэч, чаму не прадугледжана магчымасць адпрацоўкі?
0
васкабовіч / Адказаць
20.07.2018 / 22:17
Пара пераходзіць цалкам на рынкавыя адносіны...
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру