Міністр замежных справаў Беларусі Уладзімір Макей расказаў у перадачы «Контуры» на дзяржаўным тэлеканале АНТ аб стане перамоваў аб спрашчэнні візавага рэжыму з ЕС. Ён казаў, ёсць разуменне «неабходнасьці захоўваньня прагрэсу», піша Радыё Свабода.
«Пытанні аб заключэнні пагадненняў аб спрашчэнні візавага рэжыму і рэадмісіі знаходзяцца на стале нашых перамоваў з ЕС, — казаў Уладзімір Макей. — Не магу сказаць, што яны будуць падпісаныя літаральна заўтра-паслязаўтра. Там ёсьць некалькі момантаў, па якіх мы цяпер працягваем кансультацыі з нашымі еўрапейскімі партнёрамі».
Рэадмісія — абавязанне краіны прымаць сваіх грамадзянаў, дэпартаваных з іншай дзяржавы, і іншаземцаў, якія праз тэрыторыю краіны нелегальна трапляюць на чужую тэрыторыю. Дакумэнты аб рэадмісіі Менск і Брусэль меліся падпісаць яшчэ ў 2015 годзе на саміце «Ўсходняга партнёрства» ў Рызе, аднак гэтага не адбылося. Паводле словаў Макея, — не па віне Беларусі.
