23.07.2018 / 14:00

Суд вярнуў пракурорам справу ўкраінца Грыба аб садзейнічанні тэрарызму 7

Справа па абвінавачванні грамадзяніна Украіны Паўла Грыба ў садзейнічанні тэрарызму вернута з суда ў пракуратуру з-за памылкі папярэдняга следства, паведамляе «Інтэрфакс» са спасылкай на прэс-сакратара Паўночна-Каўказскага акруговага ваеннага суда Алену Кацькала.

«Крымінальная справа ў дачыненні да Паўла Грыба вернута пракурору Краснадарскага краю ў сувязі з тым, што былі перашкоды для разгляду гэтай крымінальнай справы. Органамі папярэдняга расследавання была дапушчана памылка, залічана рэдакцыя крымінальнага закона, якая не дзейнічала на момант дзеяння, якое ікрымінуецца падазраванаму. Пракурору Краснадарскага краю вярнулі гэтую справу, каб было складзена новае абвінаваўчае заключэнне ў адпаведнасці з заканадаўствам», - сказала Кацькало.

Справа Грыба паступіла ў суд 3 ліпеня. Следчыя лічаць, што Грыб з 27 сакавіка па 15 мая 2017 года, знаходзячыся на тэрыторыі Украіны, выкарыстоўваючы інтэрнэт, пераконваў адну з школьніц Сочы закласці выбуховае прыстасаванне і прывесці яго ў дзеянне на выпускным вечары 30 чэрвеня 2017 года.

Паўло Грыб знік у жніўні 2017 года пасля прыезду ў беларускі Гомель, пазьней яго знайшлі ў СІЗА ў расійскім Краснадары. 

0
Павел Ас / Адказаць
23.07.2018 / 14:14
Тых хто ВЫКРАДАЕ людзей саміх судзіць трэба!!!! Спадзяюся Украіна ўжо падала адпаведны запыт у Інтэрпол?
0
Павел Ас / Адказаць
23.07.2018 / 14:17
Чым напрыклад не падстава а’бявіць усіх супрацоўнікаў ФСБ у Міжнародны вышук, па падазрэнню ў КРАДЗЯЖЫ ЛЮДЗЕЙ.
0
свабоду ўкраінскаму юнаку! / Адказаць
23.07.2018 / 14:20
Лукашысты здалі хлопца фсбэшнікам на мукі! Ганьба вам, халуі крамлёўскія! Нават дзяцей не шкада, абы выслужыцца!
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру