23.07.2018 / 16:23

Улады распавялі пра планы падняць тарыфы на электраэнергію 26

Для насельніцтва не будуць паніжаць тарыфы на электраэнергію з уводам БелАЭС. Пра гэта ў інтэрв'ю «Астравецкай праўдзе» заявіў намеснік прэм'ер-міністра Уладзімір Сямашка. На яго думку, беларусам трэба паступова адыходзіць ад перакрыжаванага субсідавання — змяншаць кошт электраэнергіі для прадпрыемстваў, а для насельніцтва — павышаць.

— У Беларусі сёння самы нізкі тарыф на электраэнергію для насельніцтва. На захадзе насельніцтва плаціць за электраэнергію ў 2-3 разы больш, чым прамысловыя прадпрыемствы. Напрыклад, у Нямеччыне каля 8,5 цэнта за кілават-гадзіну плаціць прамысловы вытворца, а насельніцтва — каля 27 цэнтаў. А ў нас наадварот: 11,5 цэнта плаціць той жа МАЗ, а прыватныя спажыўцы — каля 5 цэнтаў, - адзначыў Уладзімір Сямашка. - Таму тарыф для насельніцтва паступова будзе падымацца - вядома ж, не абы-як, а па меры росту рэальнай заработнай платы. Людзі павінны аплачваць рэальны кошт гэтай кілават-гадзіны — сёння ж насельніцтва аплачвае каля 80 працэнтаў ад сабекошту электраэнергіі, газу - і таго менш: каля 43%.

Паводле яго слоў, у краіне «ставіцца задача - даць магчымасць «раскруціцца», зарабіць рэальнаму сектару эканомікі».

- У гэтым выпадку выйграюць і людзі. Бо, калі прадпрыемства будзе працаваць эфектыўна, укараняць новыя тэхналогіі, прадаваць прадукцыю на экспарт — тады і ў людзей будзе дастойны заробак. А рост дабрабыту чалавека заўсёды быў у прыярытэце нашай дзяржаўнай палітыкі, - растлумачыў намеснік прэм'ер-міністра.

1
сраўніцельны аналізатар / Адказаць
23.07.2018 / 16:30
А які заробак у Нямеччыне, Сямашка? І ў якім асабняку жыве намеснік Меркель? Бо сама Меркель, так пісалі і фота было,  жыве ў звычайным доме з суседзямі-звычайнымі немцамі.
0
ales' / Адказаць
23.07.2018 / 16:33
Сямашка, адкажы за "мадэрнізацыю"! Колькі народных грошай на вецер пусціў ?
1
мигелито / Адказаць
23.07.2018 / 16:34
"рэальны кошт гэтага кілават-гадзіны" . Этот киловат реально редкая гадина.Да и чиновники недалеко ушли от киловата.Те ещё
Паказаць усе каментары/ 26 /
Каб пакінуць каментар, калі ласка, актывуйце JavaScript у наладах свайго браўзеру