31-гадовая заснавальніца FEMEN скончыла жыццё самагубствам у Парыжы. У 2011 годзе яна пікетавала КДБ у Мінску
Аксана Шачко, сузаснавальніца скандальнага жаночага руху, здзейсніла суіцыд у сваёй кватэры ў сталіцы Францыі.
Інфармацыю аб смерці Шачко пацвердзіла «Нашай Ніве» лідарка руху Анна Гуцал. Яна падкрэсліла, што самагубства — папярэдняя версія. Экспертыза будзе праведзеная 24 ліпеня.
Анна Гуцал, Аксана Шачко і Аляксандра Шаўчэнка стаялі ля вытокаў FEMEN.
Прычына ўчынку невядомая. Але вядома, што гэта была не першая спроба суіцыду. Кажуць, што трэцяя.
Па словах сяброў Шачко пакінула запіску, у якой на англійскай было напісана «Вы ўсе фэйк».
Аксана Шачко родам з украінскага Хмяльніцкага. Апошнім часам яна жыла ў Францыі.
Шачко ўдзельнічала ў акцыі FEMEN у Беларусі ў 2011 годзе. Тады разам з дзвюма паплечніцамі Шачко зладзіла пікет ля будынка КДБ. Аголеныя па пояс дзяўчыны трымалі плакаты з надпісамі «Волю палітычным вязням» і «Жыве Беларусь». Акцыю правялі 19 снежня — у гадавіну Плошчы-2010.
Пасля актывісткі паведамлялі, што беларускія спецслужбы затрымалі іх, ноччу вазілі ў аўтобусе, распраналі, абрэзалі валасы, пасля чаго выкінулі без дакументаў у лесе.
Чытайце таксама: Актывісткі Femen раздзеліся каля беларускага КДБ
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай12
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары