25.07.2018 / 09:57

«Сёння ў нашай хаце свята». Спявак Анатоль Ярмоленка прадаў катэдж-амфітэатр у Драздах за $50 тысяч 79

Самы незвычайны будынак у мінскім раёне Вяснінка («Дразды-2») — катэдж-амфітэатр народнага артыста Беларусі Анатоля Ярмоленка.

Дом Ярмоленкаў на пярэдні плане. Адразу за ім — катэдж былога кіраўніка БТ Генадзя Давыдзькі. Сусед па дыяганалі — былы кіраўнік СТБ Юрый Казіятка. Фота Tut.by

Але, як стала вядома «Нашай Ніве» ў канцы сакавіка 2018 года дом змяніў гаспадара. Яго выкупіла Вольга Мінец — так цяпер афіцыйна клічуць спявачку Алесю, дачку Анатоля Ярмоленкі.

У базе Нацыянальнага кадастравага агенцтва пазначана, што ў гэты дзень у Мінску быў прададзены толькі адзін дом, за 97 тысяч беларускіх рублёў. Гэта каля $50 тысяч у эквіваленце.

Анатоль Ярмоленка і Алеся. Фота alesya.by

Сам Ярмоленка не хоча каментаваць, навошта правярнуў такую ўгоду.

«Навошта вам гэта трэба? Гэта нашы сямейныя пытанні. Я не хацеў бы адказваць», — паведаміў ён.

Дзе цяпер будзе жыць артыст, ён не сказаў. Але, кажа, не за мяжой.

«Я жыў, жыву і буду жыць у Беларусі», — запэўніў Ярмоленка.

УШ

10
Балаганов / Адказаць
25.07.2018 / 10:02
По своей ли воле.
10
Справедливый / Адказаць
25.07.2018 / 10:05
А давайте все вместе позовем налоговую! На-ло-го-ва-я!:)
27
рубам / Адказаць
25.07.2018 / 10:16
Тыя, у каго няма нерухомасці, зайздросцяць тым, у каго яна ёсць. А тыя, у каго яна ёсць, зайздросцяць тым, у каго яе няма. І пазбаўляюцца яе. Гэта закон прыроды. Дзе чаго ў якім месцы паменшылася, таго ў іншым месцы павялічылася.

А ў канцы канцоў усім - канец. І труна ў якасці падарунка - апошняя нерухомасць  ўладальніка. 
Паказаць усе каментары/ 79 /
Каб пакінуць каментар, калі ласка, актывуйце JavaScript у наладах свайго браўзеру