24.07.2018 / 19:45

Максим Кутузов стал лауреатом премии «Еврокон» с книгой «Князь-ваўкалак» 5

Па выніках міжнароднай прэміі Еўракон-2018 лаўрэатам у намінацыі «Крызаліс» стаў Максім Кутузаў. Беларускі пісьменнік атрымаў узнагароду для дэбютантаў са сваёй кнігай «Князь-ваўкалак», якую ён напісаў ва ўзросце 20 гадоў.

«Князь-ваўкалак» — фэнтэзійна-прыгодніцкі раман. Галоўны герой кнігі, сярэднявечны князь, мае незвычайную здольнасць — ператварацца ў ваўка. На працягу твора чытач назірае, як малады і маладасведчаны кіраўнік вялікай дзяржавы спрабуе сумяшчаць асабістае жыццё і дзяржаўныя абавязкі. Людзі звычайна думаюць, што жыццё князя прыемнае і бесклапотнае. Але ці такое яно насамрэч?

У інтэрв’ю «Будзьме» на пытанне, чаму менавіта фэнтэзі, Максім адказвае: «Мне цікавае тое, што немагчыма сустрэць у рэальным жыцці. Бо тыя ж хваробы, злачынствы, меладрамы і так сустракаюцца на кожным кроку. Мне, напрыклад, хапае гэтага ўсяго ў жыцці. Вось і з кнігамі так — мяне цікавіць тое, што ўбачыць на ўласныя вочы немагчыма: фэнтэзі, гісторыі пра тое, што адбывалася шмат стагоддзяў таму».

Узнагарода «Еўракон» уручаецца з 1972 года Еўрапейскім таварыствам навуковай фантастыкі (European Science Fiction Society), куды ўваходзяць як прафесійныя пісьменнікі-фантасты, так і аматары фантастыкі. Цяпер у ESFS 22 еўрапейскія краіны.

Набыць кнігу лаўрэата можна на сайце halijafy.by ці ў кнігарні выдавецтва на Нямізе, 3 (цокальны паверх, бокс 47).

2
123ці / Ответить
24.07.2018 / 18:02
Крута! Цяперака прыйдзецца прачытаць😀
2
Чытач / Ответить
24.07.2018 / 20:21
Што на гэта скажуць "спецыялісты" з прэміі Дэбют?)))
3
цень макарона / Ответить
24.07.2018 / 20:24
гэта во як цешыць. Кутузаў напісаў прэміяносную кнігу па-.беларуску. На чарзе Суворавы, ведаю пару кандыдатаў. А пра Пушкіна ўвогуле маўчу, бо ўсе ведаюць.
Показать все комментарии/ 5 /
Чтобы оставить комментарий, пожалуйста, активируйте JavaScript в настройках своего браузера