22.08.2018 / 11:21

Аніміраваная экскурсія ўзновіць перыпетыі Першай сусветнай вайны і раскажа пра шчымлівае каханне, разлучанае фронтам 13

25 жніўня запрашаем у падарожжа па рэдкім маршруце Заброддзе — Смаргонь — Наваспаск — Баруны — Гарэцкаўшчына — Радзевічы. 

На фоне фактуры Першай сусветнай вайны перад гасцямі разгорнецца гісторыя кахання паміж хлопцам і дзяўчынай, якіх падзяліла лінія фронту. Удзельнікі экскурсіі паўстануць у ролі групы журналістаў Антанты, якіх саюзнікі накіравалі асвятляць подзвігі рускіх войскаў. Але, як гэта бывае ў ваенны час, сюрпрызы чакаюць кожны момант — госці праграмы то трапляюць на расійскія пазіцыі, то натыкаюцца на нямецкі патруль. Нечаканыя павароты сюжэту, пагоня, арышт і вызваленне турыстаў, магчымасць «за сталом» павіншаваць маладых — усё гэта ў нашай праграме «Франц і Зося».

Экскурсія пачынаецца з маляўнічай вёскі Заброддзе, размешчанай на беразе ракі Нарач. Тут беларускім мастаком Барысам Цітовічам была ўзведзена капліца ў памяць аб загінуўлых у Першай сусветнай вайне, а таксама пабудаваны тэматычны агратурыстычны комплекс. Далей наш шлях пралягае праз архітэктурныя аб'екты і месцы, звязаныя з вайной: царква ў Наваспаску, помнік у Барунах, доты, капаніры, нямецкая турма Першай сусветнай.

Сапраўднай кульмінацыяй стане інсцэніроўка бою паміж салдатамі Рускай імператарскай арміі і байцамі кайзера Вільгельма. Госці акунуцца ў атмасферу бою: стральба, рукапашны бой, імітацыя газавай атакі. І ўсё ж асноўнай тэмай нашай праграмы будзе барацьба галоўнага героя за каханне, за ўласнае шчасце, нават насуперак жудасным абставінам. Калі місія будзе выкананая паспяхова, госці змогуць павіншаваць пару за святочным сталом ва ўтульным шляхецкім фальварку.

Даведацца падрабязнасці і запісацца на аніміраваную вандроўку можна па тэлефонах:

(17) 203-69-70
(17) 226-03-02
(29) 682-58-07
(29) 772-77-58

Болей інфармацыі — на сайце www.zamak.by.

Фонд «Краіна замкаў». УНП 690382807

5
О. дают / Адказаць
25.07.2018 / 11:03
Это к каким "фронтам" нам нужно готовиться. чтобы знать как их переживали. чтобы приобрести опыт прошлых "фронтов"? Может в каких-то военных учебных заведениях нужно изучать разные сражения и "фронты". чтобы научиться стратегии и тактике "фронтов".  а современные гражданские люди должны разбираться в собственных переживаниях и что с этим делать,  про что им и объяснять. если не знают ни то трусы снять. обкурившись наркотиками. . ни то с крыши прыгнуть? 
16
Охтас / Адказаць
25.07.2018 / 13:00
Нет уж, незачем нам игры кровавой империи.
-Играть роль солдатов российской императорской армии?
-Да в сто раз лучше за бойцов кайзера Вильгельма, те хотя бы не были ватные до мозга костей! Мы не будем белороссами, как нас переименовала росиянская царица немецкого происхождения Катька-2. Мы литвины, и хватит тут сказки чудить!

2
Закис / Адказаць
25.07.2018 / 13:11
бывало и не такое

Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру