26.07.2018 / 12:29

Шведская студэнтка спрабавала сарваць дэпартацыю афганца. Але яго ўсё адно дэпартавалі ВІДЭА 63

Студэнтка-актывістка са Швецыі спрабавала самастойна перашкодзіць дэпартацыі афганскага шукальніка прытулку — дзяўчына купіла білет на самалёт, які павінен быў вывезці афганца з краіны. Дзяўчына трапіла на самалёт, але адмовілася сядаць — у выніку самалёт не мог узляцець.

Дзяўчына здымала свой пратэст на відэа з таго моманту, калі бортправаднікі папрасілі яе сесці на сваё месца для ўзлёту і спрабавалі адабраць яе тэлефон. Эрсан патлумачыла, што не сядзе, пакуль у самалёце знаходзіцца шукальнік прытулку, якога пры вяртанні ў Афганістан, хутчэй за ўсё, заб'юць.

Элін Эрсан купіла квіток на самалёт з Гётэборга ў Стамбул пасля таго, як разам з іншымі актывістамі даведалася, што гэтым самалётам павінны дэпартаваць маладога афганца Ізмаіла.

Але на самалёце быў іншы афганец — 52-гадовы мужчына, імя якога не паведамляецца

На відэа можна ўбачыць спробу аднаго з пасажыраў, абуранага затрымкай вылету, адабраць у дзяўчыны тэлефон.

У рэшце рэшт, усё скончылася тым, што 52-гадовы афганец, тры праваахоўнікі, якія яго суправаджалі, і сама студэнтка пакінулі борт самалёта.

Але афганца Ізмаіла, супраць дэпартацыі якога выступала актывістка, усё адно дэпартавалі іншым рэйсам. А ў Элін Эрсан цяпер будуць праблемы з законам праз непадпарадкаванне патрабаванням экіпажа.

29
Чарнасоценец / Адказаць
26.07.2018 / 12:35
У мяне ёсць шмат чаго сказаць наконт гэтай казы,еўрапейскай іміграцыйнай палітыкі, фемінізму ў Швецыі і фемінізму наогул. Але — не магу. Ведаю, што цэнзура не прапусціць. :(
21
Lilia / Адказаць
26.07.2018 / 12:44
Трэба было ўзлятаць. Няхай бы стаяла. Свабодны чалавек у свабоднай краіне. 
Хоча стаіць, хоча сядзіць. 
Наступствы такога ўчынку -- яе асабістая адказнасць. 
29
Несцераў / Адказаць
26.07.2018 / 12:53
Будзе весела, калі яе неўзабаве згвалціць афганец. За што баролася, дурніца.
Паказаць усе каментары/ 63 /
Каб пакінуць каментар, калі ласка, актывуйце JavaScript у наладах свайго браўзеру