26.07.2018 / 20:51

У Оршы прадаецца дом Караткевіча. Там ён напісаў «Дзікае паляванне караля Стаха» 11

Дом у Оршы, у якім Уладзімір Караткевіч напісаў сваю знакамітую аповесць «Дзікае паляванне караля Стаха», выстаўлены на продаж. Адпаведнае аб'ява з'явілася на сайце realt.by.

Фота: Анжаліка Васілеўская, Tut.by.

За дом у цэнтры горада, які знаходзіцца на вуліцы Караткевіча, просяць 33 832 рублі (17 тысяч даляраў). Агульная плошча драўлянага дома 44,5 метра (31,4 — жылая плошча, 13,09 — кухня). Плошча дзялянкі — 13 сотак, газ і вада па вуліцы, ацяпленне грубкай.

Апошнія тры гады дом стаяў без гаспадара. Да 2015 года ў доме жыў Юрый Барабаш — муж Раісы Валер'еўны, пляменніцы пісьменніка. Усе гады ён сачыў за домам і дзялянкай.

Пасля смерці Юрыя Барабаша хатай пачала валодаць яго дачка, якая жыве ў Адэсе. Першапачаткова яна здавала дом у арэнду, а цяпер вырашыла яго прадаць.

Бацькоўскі дом пісьменніка не ўваходзіць у дзяржаўны спіс ахоўных гісторыка-культурных каштоўнасцей.

7
Аматар портэра / Адказаць
26.07.2018 / 21:34
Эх, самы смак накацiць у гэтай хаце гарэлачкi!
1
Прохожий / Адказаць
27.07.2018 / 00:01
Блин, и копейки же... Эххх, повезет кому-то там гарэлачки накатить, под байки и легенды с друзьями)))
1
Прохожий / Адказаць
27.07.2018 / 00:08
Блииин, оддолжите мне кто денег!!!!)))
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру