30.07.2018 / 17:46

Генпракуратура Кыргызстана патрабуе ад Беларусі выдаць былога прэм'ера 5

Генеральная пракуратура Кыргызстана працягвае дабівацца ад Беларусі экстрадыцыі былога прэм'ер-міністра краіны Даніяра Усенава, які пражывае ў Мінску пад імем Данііл Урыцкі.

Фота: Вадзім Заміроўскі, Tut.by.

14 снежня 2017 года пракуратура Кыргызстана накіравала беларускім калегам хадайніцтва з просьбай «прыняць меры па вышуку і затрыманні Даніяра Усенава, які змяніў свае анкетныя даныя на Данііла Урыцкага».

Сёлета ў сакавіку Генпракуратура Беларусі адмовіла ў хадайніцтве.

У сакавіку 2018 года Генеральнай пракуратурай Кыргызстана ізноў быў накіраваны запыт аб выдачы Усенава (Урыцкага). Тады ён быў завочна прысуджаны да 15 гадоў турмы за злоўжыванне службовым становішчам і парушэнне зямельнага заканадаўства. Акрамя таго, у 2016 годзе Вярхоўны суд Кыргызстана прызнаў Усенава вінаватым у саўдзеле ў забойстве, замаху на забойства, перавышэнні службовых паўнамоцтваў і злоўжыванні службовым становішчам, завочна прысудзіўшы яго да пажыццёвага пазбаўлення волі.

Цяпер Генпракуратура Кыргызстана працягвае працу па яго экстрадыцыі.

Даніяр Усенаў уваходзіў у каманду прэзідэнта Курманбека Бакіева, які ў 2010 годзе з сям'ёй бег з краіны ў Беларусі.

0
Вожык / Адказаць
30.07.2018 / 17:59
Вот такие друганы по ЕАЭС)))
0
смі / Адказаць
30.07.2018 / 18:08
Пашамацяць,ды перастануць... Усе даўно абгаворана.
4
Лiсей / Адказаць
30.07.2018 / 18:29
Пасля таго што рабiлася у Бiшкеку пад час дзiкага перавароту (арганiзатары мiж тым Расейскiя спецслужбы) гэтым уладам i сабаку не аддау бы.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру