Расійскі ТАСС запусціў качку, што ў Лукашэнкі інсульт, а пасля апублікаваў абвяржэнне 116

Прэс-сакратар Аляксандра Лукашэнкі Наталля Эйсмант назвала трызненнем паведамленне аб тым, што беларускі лідар перанёс інсульт. Пра гэта яна заявіла ў панядзелак карэспандэнту ТАСС.

«Магу адказаць на гэта толькі словам «трызненне», — сказала Эйсмант.

Інфармацыя пра інсульт у Лукашэнкі раней з'явілася на тэлеграм-канале «Незыгарь», які належыць гендырэктару агенцтва ТАСС Сяргею Міхайлаву.

Звяртае ўвагу, што ТАСС сцвярджае, што інфармацыю распаўсюдзіў малавядомы ўкраінскі рэсурс. Пры гэтым «Незыгарь» запосціў інфармацыю ўначы на 30 ліпеня, а на ўкраінскім рэсурсе яна была перадрукаваная ўсяго за дзве гадзіны да публікацыі абвяржэння ТАСС.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ