06.08.2018 / 12:58

Часопіс Arche пад пагрозай: абвешчаны збор сродкаў на далейшае выданне 20

Друк беларускага незалежнага навукова-папулярнага часопіса Arche можа спыніцца з-за недахопу сродкаў. Цяпер часопіс выходзіць раз на квартал, але з-за недахопу сродкаў можа цалкам перайсці ў інтэрнэт.

Рэдакцыя збірае рэсурсы, дзякуючы якім зможа працягваць выдаваць часопіс у друкаваным выглядзе і знайсці новых чытачоў.

Ахвяраваць на выданне Arche можна на краўдфандынгавай платформе Talaka.

Arche — беларускі незалежны навукова-папулярны часопіс. З’яўляецца прыкметнай з’явай сярод нацыянальных СМІ. Яго аўтарамі сталі ледзь не ўсе знакамітыя гісторыкі, палітолагі і пісьменнікі 1990—2000-х.

Першы нумар выйшаў у 1998. Часопіс знаёміць беларусаў з гісторыямі гарадоў, людзей і важных падзей. Піша аб нацыянальнай ідэнтычнасці, гісторыі і памяці пра Другую сусветную вайну, змрочных часах сталінскіх рэпрэсіяў.

ARCHE публікуе працы беларускіх інтэлектуалаў і пераклады замежных аўтараў.

З’яўляецца сябрам сеткі эўрапейскіх часопісаў «Eurozine».

Галоўны рэдактар — Валер Булгакаў. Спэцыялізуецца ў галіне дасьледаванняў еўрапейскіх нацыяналізмаў, у тым ліку беларускага. 

19
ўантуфры / Адказаць
31.07.2018 / 09:30
Бесперспектыўная справа. Выйсце адно - скарачаць выдаткі і ісці у лічбу. Інфармацыі зараз - хоць лапатай грабі, на любы густ і тэматыку. Калі хочуць нешта прадаваць менавіта беларусам - хай працуюць над беларускай ідэнтычнасцю, народ гэта купіць. Калі хочуць прасоўваць летувісцкую, расейскую, польскую ідэнтычнасці - хай там і прадаюць.
0
Пціч / Адказаць
31.07.2018 / 10:01
Дзіўна, што раптам настаў недахоп сродкаў. Здаецца, параскупленыя ўсе паклады ранейшых выданняў, хацеў узяць Плахія - ўжо няма, апошні нумар часопіса, ледзь паспеў знайсці ў шапіку, а тут аказваецца недахоп...
14
Зацінка / Адказаць
31.07.2018 / 10:09
У свой час звярталіся да Булгакава па некаторыя матэрыялы, то ён усё зажыліў і самым непрыгожым чынам. І ўвогуле палітыка ў яго хапужная, а цяпер хоча, каб яму нехта дапамог грашыма? Не-не
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру