У Берасці з’явіўся помнік выдуманаму расейскаму персанажу, дэсантніку Сцёпачкіну. Яго паставілі ў мінулыя выходныя на дзень горада ў парку адпачынку імя 1 мая.

Дэсантнік Сцёпачкін — персанаж мультыплікацыйнай дылогіі Цімура Курбаналіева пра падлетка, які самавольна прызваўся ў дэсантныя войскі, употай ад маці і работнікаў ваенкамату. Паступова герой становіцца сапраўдным дэсантнікам і нават перамагае на спаборніцтвах узброеныя сілы ЗША.

Сайт берасцейскага гарвыканкама называе гэтую скульптуру падарункам берасцейцам ад дэсантнікаў Расеі ды Беларусі.

Ініцыятыва ўсталяваць скульптуру належыць генерал-маёру расейскай арміі Аляксандру Куліку. На адкрыцці помніка прысутнічаў старшыня камітэта па абароне Дзяржаўнай Думы РФ Уладзімір Шаманаў.

Дэсантнік Сцёпачкін, што самавольна прызваўся ў войска і стаў расейскім героем.

Вядома, што Шаманаў быў удзельнікам баявых дзеянняў падчас карабахскага канфлікту, ваяваў на баку Азербайджана. Шаманаў (сябра партыі «Едіная Россія») таксама кіраваў вайсковымі аперацыямі падчас вайны ў Чачэніі, узначальваў аперацыю па акупацыі Абхазіі.

Адзначым, што берасцейскія дэсантнікі з 38-ай гвардзейскай дэсантна-штурмавой брыгады рэгулярна ўдзельнічаюць у сумесных вучэннях з расейскімі калегамі, у тым ліку з тымі, хто ваяваў ва Украіне.

Аўтар скульптуры Аляксей Чумакоў нарадзіўся ў расейскім Орску. Скончыў Ленінградскае нахімаўскага вайскова-марское вучылішча, пазней Кіеўскае вышэйшае вайскова-марское палітычнае вучылішча і пасля вучобы быў размеркаваны на службу ў Севастопаль. Працягвае лічыць сябе грамадзянінам СССР. Жыве ў Берасці.

Паводле сюжэту Сцёпачкін пры дапамозе адмысловай кашы пераўтварыўся ў сапраўднага дэсантніка.

Расейскі след ёсць і ў кар'еры кіраўніка Берасця Аляксандра Рагачука. Ён скончыў Курганскае вышэйшае ваенна-палітычнае авіяцыйнае вучылішча. І менавіта Рагачук даў згоду на ўстаноўку ў берасцейскім парку імя 1 траўня гэтай сумнеўнай скульптуры.

Хочаш падзяліцца важнай інфармацыяй ананімна і канфідэнцыйна?

1
хамса / Адказаць
31.07.2018 / 11:34
тут безліч 'помнікаў' трэба дэмантаваць, а яны ўсё новыя ўсталёўваюць
1
мытня не дае дабро / Адказаць
31.07.2018 / 11:34
всё территории метят(
1
Joint Security Area / Адказаць
31.07.2018 / 11:36
Это тот Владимир Шаманов, который большой друг Михася из Солнцевской ОПГ? Какая прелесть...
 
Паказаць усе каментары/ 59 /
Каб пакінуць каментар, калі ласка, актывуйце JavaScript у наладах свайго браўзеру