07.11.2008 / 13:45

Умоўнае шчасьце сядзібы Стралкаў 3

Сядзібе Стралкаў, заснаванай на пачатку ХХ ст. збольшага пашанцавала — у яе ёсьць гаспадар. На падворку стаіць старая тэхніка — грузавік, трактар, прычапное. Але шанцаваньне гэтае досыць умоўнае.

Рэшта былой велічы сядзібы Стралкаў.

Флігель бяз вокнаў і дзьвярэй.

На двары стаіць старэнькая тэхніка.

Тутэйшы сьвіран ацалеў. У адрозьненьне ад янавіцкага калегі.

Вінаград пасьпеў.

Сям’я Стралкаў на ганку сядзібнага дому (здымак 1930-х гг.)

Сядзібе Стралкаў, заснаванай на пачатку ХХ ст., збольшага пашанцавала — у яе ёсьць гаспадар. На падворку стаіць старая тэхніка — грузавік, трактар, прычапное. Але шанцаваньне гэтае досыць умоўнае: прыкметы занядбанасьці тут паўсюль — у зацыраваных газэтамі ды цэляфанам вокнах панскага дому, у вокнах флігеля безь ніводнай шыбіны, у сымбалічнай браме, ад якой засталіся толькі аблупленыя слупы. За гэтай самай брамай, прайшоўшы паміж флігелем і надзіва ацалелым сьвірнам, можна пабачыць неверагоднай прыгажосьці краявід — першыя ўласьнікі сядзібы ведалі, дзе збудаваць.

«Бяда, што наш бізнэс такі нясьмелы — не рашаюцца апекавацца старымі дамкамі» — кажа старшыня ГА «Беларускае добраахвотнае таварыства аховы помнікаў гісторыі і культуры» Антон Астаповіч. Зь ім цяжка не пагадзіцца. Едучы па мясцовых вёсках ды ўскраінах Клецку і Нясьвіжу, можна пабачыць дастаткова шыкоўных дамоў з дарагімі аўто пад вокнамі. Іх гаспадары маглі б узяць пад апеку рэшту былой велічы сядзібаў Радзівілаў, Яленскіх, Беразоўскіх, Вайцахоўскіх ды Піляўскіх.

Хочаш падзяліцца важнай інфармацыяй ананімна і канфідэнцыйна?

Сямён Печанко

0
GL / Адказаць
07.11.2008 / 23:24
тэорыя. На самой справе - няма спецыялістаў. Асабліва па традыцыйных матэрыялах. Няма архітэктараў, якія ўмеюць працаваць са старымі дамамі. І няма дзеля чаго выкарыстоўваць, пры наяўнай канцэптуальнай убогасці культуры насамрэч, пачынаць трэба з ідэй - дзеля чаго выкарыстоўваць нельга ж думаць усур'ёз, як БНФ 1988-2008, што ў кожным свірне мусіць быць дзярж. этнаграф. музей пры тым, што і ў наяўныя Завоссе або Мерачоўшчыну - амаль ніхто з тутэйшых (рэальных) не ездзіць
0
Саянаў / Адказаць
08.11.2008 / 01:00
нельга ж думаць усур'ёз, як БНФ 1988-2008, што ў кожным свірне мусіць быць дзярж. этнаграф. музей ======================= Гарлівы, ня трэба слоўнай дзерганіны. У вас ужо зрабілася традыцыяй, выдумляць ды ўкладаць прыдуманае ў чужыя вусны. Ня ў кожным сьвірне мусіць быць дзярж. этнаграф. музей, а кожны сьвіран (калі ён помнік) мусіць быць у дзярж. этнаграф. музеі. Зразумела ж на сваім месцы. "Няма архітэктараў, якія ўмеюць працаваць са старымі дамамі." ============================================= Ёсьць. Калі не ў Беларусі, дык за мяжой. Чаго сапраўды няма, дык гэта жаданьня ўладаў берагчы гістарычную спадчыну. Бо то чужая для іх спадчына, чужой для іх гісторыі.
0
Man_Overboard / Адказаць
09.11.2008 / 01:58
А ведаеце чаму наш бізнэс такі нясьмелы? Дык таму, што толькі высунесься - атрымаеш па галаве. Нямала прыкладаў. Вось і прасьцей ім набываць нейкія звычайныя дамы, чым сядзібныя.
Каб пакінуць каментар, калі ласка, актывуйце JavaScript у наладах свайго браўзеру