Высьвятляецца, што пасьля перамогі на выбарах, Абаму яшчэ ёсьць куды караскацца. Прэм’ер-міністар краіны Антыгуа і Барбадос, Болдуін Спэнсэр, прапанаваў назваць найвышэйшую гару на высьпе Антыгуа ў гонар Абамы. Падобная ідэя вынікае з віншавальнага ліста, які Спэнсэр даслаў Абаму пасьля абраньня апошняга прэзыдэнтам.
Гара вышынёй 396 мэтраў, якая пакуль што мае назву Ўзвышша Бугі, знаходзіцца на поўдні карыбскага востраву. Юрыдычны дарадца Джастын Саймон пабяцаў, што праверыць, ці ёсьць патрэба мясцовага сэнату ўхваліць рашэньне прэм’ера.
Гэта ня першы выпадак, калі ўзвышшы называюцца ў гонар амэрыканскіх грамадзянаў. У 1840 найвышэйшая гара на аўстралійскім кантынэнце (2228 мэтраў) была названая імем нашага суайчыньніка Тадэвуша Касьцюшкі – амэрыканскага генэрала і чыннага ўдзельніка вайны за Незалежнасьць.
Цяпер чытаюць
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне11
Каментары