Урад Расіі абвясціў пра павышэнне пенсійнага веку. Рэформа выклікала абурэнне расейцаў. У апошнія выходныя ліпеня ў некалькіх гарадах Расіі прайшлі акцыі пратэсту.
Эканамісты працягваюць прапаноўваць альтэрнатыўныя ўрадаваму варыянты пенсійнай рэформы. Бізнэс-амбудсмен Барыс Цітоў прапанаваў даць расейцам магчымасць дакупляць стаж, калі яны хочуць выходзіць на пенсію раней, піша Бі-бі-сі.
Ад пенсійнага веку, на яго думку, наогул можна адмовіцца. Людзі павінны выходзіць на пенсію па дасягненні пэўнага стажу, які будзе залежаць ад іх роду дзейнасці, патлумачыў ён.
Раней Цітоў прапаноўваў скасаваць Пенсійны фонд і перадаць яго функцыі казначэйству. Цітоў таксама прапаноўваў адмовіцца ад абавязковай назапашвальнай часткі пенсій.
0
0
0
0
0
0
