05.08.2018 / 09:12

Прэзідэнта Венесуэлы спрабавалі забіць на парадзе з дапамогай дронаў з выбухоўкай ВІДЭА 47

Цырымонію святкавання 81-й гадавіны стварэння нацыянальнай гвардыі, на якой выступаў прэзідэнт Венесуэлы Нікалас Мадура, перарвалі з-за выбухаў.

Падчас прамовы венесуэльскага лідара ён і людзі, якія яго атачалі, рэзка паглядзелі ўверх, пасля чаго сотні ўдзельнікаў парада на праспекце Балівара кінуліся з трыбуны і трансляцыю абарвалі. Вось відэа:

А вось як дзейнічалі целаахоўнікі Мадура і ён сам:

На кадрах з месца падзей відаць, як салдаты разбягаюцца.

Аказалася, што здарыўся выбух. Кіраўніка Венесуэлы целаахоўнікі спачатку закрылі бронематамі, а пасля экстрана эвакуіравалі з месца здарэння.

Сцвярджаецца, што для атакі былі задзейнічаныя некалькі беспілотных апаратаў, нашпігаваных выбухоўкай. У выніку выбухаў атрымалі раненні сем вайскоўцаў, якія ўдзельнічалі ў цырымоніі.

Прэзідэнт Венесуэлы і высокапастаўленыя чыноўнікі не пацярпелі.

Мадура ўжо заявіў, што адказнасць за замах на яго нясе прэзідэнт суседняй Калумбіі Хуан Мануэль Сантас. Пра гэта Мадура заявіў у звароце да нацыі.

Мадура адзначыў, што наяўныя доказы паказваюць на тое, што да арганізацыі замаху маюць дачыненне і правыя венесуэльскія групоўкі. Паводле яго слоў, паліцыя ўжо арыштавала некалькі чалавек.

Сітуацыя ў Венесуэле напружаная. Апазіцыя вінаваціць Мадура ва ўзурпацыі ўлады і давядзенні эканомікі да калапсу. Мадура ж, як і раней Чавес, спрабуюць пабудаваць у краіне сацыялізм кубінскага ўзору.

2
ВЛ / Адказаць
05.08.2018 / 09:23
А х...ли довели людей до нищеты...
8
Застабилий Чаркашкваркович / Адказаць
05.08.2018 / 09:24
Хлапушку хдлпнули. Дзеци балуюцца или собственные спецслужбы рэйцинг паднимают
2
Нонстоп / Адказаць
05.08.2018 / 09:26
У чарговай сацыяльнаарыентаванай краіне вялікай частцы насельніцтва не стае ежы, не хапае самых неабходных рэчаў, затое ёсьць шматтысячныя парады, выступы з трыбунаў, бронекамізэлькі, бронепарасоны, яскравае адзеньне вайскоўцаў ды сцягі. Есьць думка, што якраз такія адносіны да сваіх жа суайчыньнікаў і ёсьць падробка. 
Паказаць усе каментары/ 47 /
Каб пакінуць каментар, калі ласка, актывуйце JavaScript у наладах свайго браўзеру