07.08.2018 / 00:47

Чалы ў судзе: За вечар перад збіццём выпіў 10 куфляў піва. Пазнаць нападнікаў не магу 45

Эканаміст Сяргей Чалы даў паказанні на судзе. Нагадаем, 19 мая кампанія невядомых збіла Чалага, ён трапіў у бальніцу з пераломам носа і чэрапна-мазгавой траўмай. Дасталася і сябрам эканаміста.

Як патлумачыў у судзе Сяргей Чалы, з рознымі сябрамі ён выпіваў цягам вечара.

«Агулам я выпіў 10 бакалаў піва», — узгадаў Чалы.

Ён з кампаніяй быў ва ўніверсаме «Цэнтральны». Туды і пад’ехаў яго сябар Анатоль Сакалоўскі. Пасля разам яны завіталі ў невялікую кавярню «Курыца Памада». Туды падышоў фатограф Аляксандр Васюковіч. Сябры выпілі піва. Пасля кавярня закрылася. Каб дапіць піва, якое засталося, кампанія пайшла ў двор побач. Стаялі, гутарылі. Пасля адбылася бойка. Падрабязнасцяў здарэння Сяргей Чалы ўзгадаць не змог.

«Я не надта памятаю. Але прайшоў чалавек, сказаў штосьці тыпу «валіце з нашага двара». Я адказаў штосьці кшталту «зараз дап’ем і пойдзем», — распавёў сваю версію Чалы.

Ён запэўніў, што паводзіў сябе спакойна. Дзяўчыну з мужчынам ён не бачыў.

Чалы прызнаў, што тады не запомніў мужчыну, і апазнаць Рублёва як нападніка не змог. Нават сёння ўпэўнена сказаць, што яго біў менавіта Рублёў, Чалы не змог.

«Што было пасля таго, як прайшоў мужчына?», — спытаў пракурор.

«Пасля мы вырашылі паціху сыходзіць…»

«Што было далей, што вы памятаеце?», — спытала суддзя Акавітая.

«Былі людзі, якія беглі. З боку аркі».

«Колькі людзей?»

«Складана сказаць. Некалькі», — адказаў Чалы.

Па яго словах, затым быў удар яму ў скроню. Ён пачаў закрываць галаву рукамі. Што было далей — не памятае.

Трохі пазней Чалы прыйшоў у сябе. Прыехала міліцыя, яго пасадзілі ў машыну, трохі паездзілі па раёне, шукаючы нападнікаў. Як ужо вядома, не знайшлі.

Таксама Сяргей Чалы паведаміў на пасяджэнні, што хоча спагнаць з абвінавачаных 5000 рублёў — кампенсацыю за маральную шкоду. Маўляў, ён доўга лячыўся ды і працаваць не мог — бо ён вядучы, а здымацца з разбітым тварам немагчыма.

УШ

9
Пятро Касьнерык / Адказаць
06.08.2018 / 16:30
ВЯДУЧЫ--...а здымацца з разбітым тварам немагчыма....
++
 НН заляпіка здымак з разбітым тварам ....

https://nn.by/?c=ar&i=213867
0
Сяргей / Адказаць
06.08.2018 / 16:33
Рэд. Выдалена
20
Крыжак / Адказаць
06.08.2018 / 16:37
5 літраў піва! А што ён, увогуле, памятае? Дакладна, што не тое, што казаў нападнікам!
Паказаць усе каментары/ 45 /
Каб пакінуць каментар, калі ласка, актывуйце JavaScript у наладах свайго браўзеру