07.08.2018 / 15:40

Парашэнка даручыў запісаць у вайсковы статут вітанне «Слава Украіне!» — «Героям слава!» 7

Прэзідэнт Украіны Пятро Парашэнка даручыў распрацаваць законапраект, які прадугледжвае замену ваеннага прывітання ва УСУ савецкага ўзору «Добры дзень, таварышы!» і «Жадаем (жадаю) здароўя!» на «Слава Украіне!» і «Героям слава!».

Пра гэта паведаміў міністр абароны Сцяпан Палтарак у эксклюзіўным каментары карэспандэнту Укрінфарм.

«Прэзідэнт Украіны даручыў падрыхтаваць змены ў закон Украіны, якім зацвярджаюцца вайсковыя статуты, бо тое, як трэба вітацца вызначаецца ў воінскіх статутах. Такія прапановы рыхтуюцца, і спадзяюся, што пасля выхаду з канікул народныя дэпутаты прымуць гэта ў цэлым», — сказаў кіраўнік МАУ.

Міністр таксама пацвердзіў, што падчас ваеннага парада ў Дзень Незалежнасці ў Кіеве 24 жніўня як воінскае прывітанне будзе выкарыстоўвацца «Слава Украіне!» і «Героям слава!»: «Падчас правядзення парада мы як раз пакажам, што гэта больш ўкраінскае, больш нашае».

16
Не / Адказаць
07.08.2018 / 16:14
Гэта яго ўжо не ўратуе.
1
Янка / Адказаць
07.08.2018 / 16:56
Не, гэта не пра яго , гэта пра краіну. Прэзідэнты там прыходзяць і зыходзяць, Украіна застаецца.
1
Aliaksei / Адказаць
07.08.2018 / 17:35
Даўно было трэба. І нам трэба змяніць на "жыве Беларусь!" - "жыве вечна". Гэта было б лагічна, кожны дзень паўтараць адно і тое ж, дык і думаць будзеш а радзіме. А тое адзін аднаму здароўя жадаюць, што за!?
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру