Па справе аб незаконным доступе да платнай падпіскі інфармагенцтва БелТА шэраг журналістаў і рэдактараў затрыманы на трое сутак.
У ізалятар часовага ўтрымання на Акрэсціна ўжо адпраўленыя галоўная рэдактарка TUT.by Марына Золатава, выпускаючы рэдактар TUT.by Ганна Калтыгіна, рэдактар раздзела «Грамадства» TUT.by Ульяна Бабаед, дзяжурны рэдактар TUT.by Галіна Уласік, а таксама аглядальніца БелаПАН Таццяна Каравянкова.
Незразумела, ці выйдуць на волю рэдактар рэсурса finance.tut.by Дзмітрый Бобрык, журналіст рэсурса 42.tut.by Ганна Ермачонак, рэдактар БелаПАН Андрэй Серада, якіх забралі на допыты. Не выходзіць на сувязь яшчэ і былая рэдактарка TUT.by Яўгенія Беразюк.
Следчы камітэт на чале са старшынёй Іванам Наскевічам расследуюць справу аб «несакцыянаваным доступе да камп'ютарнай інфармацыі, здзейсненым з іншай асабістай зацікаўленасці, якая пацягнула прычыненне істотнай шкоды».
Іван Наскевіч. Фота: Tut.by.
Магчыма, рэдакцыі мелі доступ да платнай інфармацыйнай стужкі дзяржаўнага агенцтва БелТА.
Чытайце таксама:
У офісах TUT.by і БелаПАН ператрусы, затрыманыя рэдактары
Рэдактарак TUT.by затрымалі на трое сутак
Дырэктарка БелТА патлумачыла, навошта напісала заяву, з якой закруцілася крымінальная справа супраць TUT.by і «БелаПАНа»
Аддзел маркетынгу БелТА: Платны доступ? У нас няма прэйскуранта
Бяляцкі: Ператрусы ў Tut.by і БелаПАН — мэтаскіраваная палітыка, каб трымаць беларусаў у страху і дэзынфармацыі
Юры Зісер: Гэта не справа супраць TUT.by, размова ідзе пра некалькіх супрацоўнікаў
У рэдакцыі газеты «Навука» таксама ператрус
