07.08.2018 / 19:46

БТ апублікавала тэлефонную размову Золатавай і Калтыгінай. Яна ніякім чынам не даказвае чыёсьці «злачынства» 27

Белтэлерадыёкампанія прадэманстравала ў эфіры фрагмент тэлефоннай размовы галоўнага рэдактара партала TUT.by Марыны Золатавай і выпускаючага рэдактара Ганны Калтыгінай.

Сцвярджаецца, што аўдыязапіс атрыманы ад Следчага камітэта, але незразумела, якія былі юрыдычныя падставы для праслушкі.

Золатава кажа пра ідэю: каб буйныя рэгіянальныя парталы — гродзенскі S13.ru (адметна, што рэдактары БТ не ведаюць назву сайта, таму пакінулі замест яе зорачкі — НН») і гомельскія «Моцныя навіны» прасілі дазвол на перадрук эксклюзіўных артыкулаў з TUT.by, а не проста капіявалі любы тэкст.

Але, маўляў, паўстае этычнае пытанне, якое агучыла [рэдактар] Ульяна [Бабаед]: TUT.by жа «тырыць» навіны БелТА. Таму, відаць, няёмка забараняць іншым «тырыць» свае матэрыялы.

У адказ Ганна Калтыгіна расказвае, што выкарыстоўвае для працы навіны з платнай стужкі БелТА, бо ў ёй інфармацыя з'яўляецца трошкі раней, чым у бясплатнай. «Мы яе юзаем, мы яе тырым», — кажа яна пра навіну, але не пра падпіску.

У журналісцкім слэнгу словы накшталт «пераставіць», «скапіпасціць» (націснуць кнопкі «скапіяваць»/copy і «ўставіць»/paste) і нават «стырыць» могуць выкарыстоўвацца як сінонімы і не маюць крымінальнага складніку. Большасць сайтаў даюць адзін аднаму «тырыць» тэксты, вітаючы распаўсюд інфармацыі пры ўмове карэктнага пазначэння першакрыніцы. Умовы TUT.by дазвалялі свабоднае выкарыстанне інфармацыі любым сайтам.

Адзначым, што ў размове ні разу не згадваецца, ці быў у журналістаў TUT.by аплачаны доступ да стужкі БелТА. Зліты сілавікамі запіс не дае адказы на гэта пытанне.

NN.by

52
Ігнат / Адказаць
07.08.2018 / 19:54
Глупства. Калі б быў платны доступ, то ў размове, відавочна, не было б слова "тырым". Як можна тырыць тое, за што заплаціў?
4
цыркач / Адказаць
07.08.2018 / 19:57
Т.е. получается, что плевать они хотели на законы! 
Слушают и записывают кого хотят и когда хотят!

А не хочет ли возбудиться по этому поводу какой-нибудь контролирующий орган???
Не хочет ли контролирующий орган задать следователям следующие вопросы:
- на каком основании производилась прослушка ЧАСТНЫХ разговоров ещё до написания заявления "пострадавшей"?
- на каком основании велась запись разговоров ЧАСТНЫХ лиц?
- на каком основании данный разговор попал ТРЕТЬИМ лицам, не причастным к ходу расследования дела?
0
беедэээ / Адказаць
07.08.2018 / 19:59
хай БТ лепей апублікуе як яны тыраць здымкі, выявы, відэа і відарысы!!!
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру