08.08.2018 / 09:55

У Малінаўку, Паўднёвы Захад і Сухарава пусцяць электробусы 4

Такая выснова вынікае з абноўленай інвестпраграмы сталіцы, піша tut.by.

На нацыянальным прававым партале апублікаваная новая рэдакцыя інвестыцыйнай праграмы Мінска на 2018 год з шэрагам змяненняў. Напрыклад, зараз у ёй з'явіліся новыя і канкрэтныя месцы для будаўніцтва пастоў зарадкі для электробусаў.

Такі пост будзе на разваротным кальцы «Малінаўка» на вуліцы Ясеніна, на разваротным кальцы «Паўднёвы Захад» на Рафіева і на разваротным кальцы «Сухарава-5» на Панчанкі.

Усё гэта адбудзецца ў 2019 годзе. А значыць, туды змогуць ездзіць электробусы. Як мінімум, іх запасу ходу хопіць, каб хадзіць у гэтыя кропкі ад станцый метро «Малінаўка», «Пятроўшчына» і «Каменная Горка».

Праўда, у ДУ «Сталічны транспарт і сувязь» аб новых маршрутах нічога не вядома. Там параілі звяртацца да заказчыка будаўніцтва пастоў - у «Мінсктранс». Але атрымаць аператыўны каментар не ўдалося.

Нагадаем, у 2018-2019 гадах у Мінску закупяць 60 электробусаў «Белкамунмаш». Яны выйдуць на лініі да мая. А зараз яны працуюць на маршрутах № 43, 59 і 1.

2
Дашкис / Адказаць
08.08.2018 / 10:20
И что, теперь введут проездной на электробусы?
0
Пасажырка / Адказаць
08.08.2018 / 10:33
Дашкис, я села ў новы прыгожы аўтобус, прыклала картку да валідатара - адмова. Так я даведалася пра існаванне электробусаў, і што ў іх патрэбна купляць праязны на тралейбус.
0
⋆Апрель⋆ / Адказаць
08.08.2018 / 13:03
Электробусы «Белкоммунмаш».....
И электробусы наши и «Белкоммунмаш» наш, а почему плата за проезд инопланетная? Наверное будут говорить, что электроэнергия российская. Что же, будем ждать нашу АЭС, что тогда запоют?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру