08.08.2018 / 11:18

Найноўшыя беларускія браневікі заўважаныя ў Афрыцы 1

Чатыры браняваныя машыны «Кайман» былі паказаны 7 жніўня на вайсковым парадзе ў гонар 58-годдзя незалежнасці Кот-д'Івуара, паведамляе tut.by са спасылкай на вайсковы блог «Цэнтра аналізу стратэгій і тэхналогій».

«Кайман» распрацаваны спецыялістамі ААТ «140-ы рамонтны завод». Машына здольная зберагчы экіпаж ад куль і асколкаў. У лабавой частцы абарона «Каймана» лепшая, чым у БТР-80.

Браня, адпаведная пятаму класу, упэўнена трымае бранябойна-запальныя кулі, выпушчаныя з снайперскай вінтоўкі СВД.

Прадугледжана ў «Каймане» і супрацьмінная абарона - дно зроблена часткова V-падобным, падлога ў месцах размяшчэння дэсанта і экіпажа ўзмоцненая дадатковай бранёй.

Пад капотам «Каймана» ўсталяваны дызельны рухавік у 170 к.с., які выдаткоўвае па бездарожжы 24-25 літраў на 100 км.

Запас ходу браневіка дасягае 1000 км, гэтага хопіць, каб праехаць амаль двойчы з аднаго канца Беларусі ў іншы.

0
⋆Апрель⋆ / Адказаць
08.08.2018 / 13:48
«Кайман», видимо классная машина, "броня крепка". Теперь смоленским казакам нас шашками не порубать.
Каб пакінуць каментар, калі ласка, актывуйце JavaScript у наладах свайго браўзеру