Сёння раніцай на трасе М6 паблізу Скідзеля адбылася аварыя з удзелам веласіпедысткі і грузавіка. Паводле папярэдняй інфармацыі, MAN перавозіў тушы і субпрадукты жывёльнага паходжання, калі перад ім на пешаходным пераходзе з'явілася веласіпедыстка. Кіроўца грузавіка спрабаваў затармазіць, але зачапіў ровар, які апынуўся пад кабінай аўтамабіля.
Падчас экстраннага тармажэння з кузава грузавіка на праезную частку вывалілася змесціва. У рэдакцыю «АўтаГродна» даслалі першыя фатаграфіі. Людзям з тонкай душэўнай арганізацыяй глядзець не рэкамендуецца!
Пра стан веласіпедысткі пакуль нічога не вядома.
На месцы здарэння ўжо знаходзяцца супрацоўнікі міліцыі, яны абгарадзілі конусамі частка праезнай часткі. Відавочцы кажуць, што смурод вакол месца ДТЗ невыносны.
