08.08.2018 / 14:58

Журналіст «Советской Белоруссіі» Крат: За сітуацыяй вакол TUT.by назіраю са злараднасцю 71

Палітычны аглядальнік газеты Адміністрацыі прэзідэнта «Советская Белоруссія» Дзмітрый Крат на старонцы ў фэйсбуку падзяліўся назіраннямі па справе супраць журналістаў tut.by і БелаПАН, якія падазраюцца ў крадзяжы інфармацыі агенцтва БелТА.

Дзмітрый Крат. Фота з facebook.com.

«Прызнаюся ў грэшным. За сітуацыяй вакол тутбая я назіраю не без некаторай злараднасці. І не таму, што мне наплявала ў капусту канкрэтна Золатава або Каравянкова. Я іх і ведаць не ведаю і паблізу, здаецца, не бачыў ніколі. Можа, яны цалкам сабе сімпатычныя дамы і вельмі прыемныя і зручныя ў побыце. Але вось у прафесійным сэнсе яны і іх калегі мяне даўно напружвалі. Па адной простай і важнай прычыне: я павінен ахоўваць законы, а яны вырашылі, што гэтыя самыя законы пішуцца не для іх», — напісаў Крат.

Журналіст «СБ» не разумее, чаму tut.by, які пазіцыянаваў сябе як «агрэгатар навін», раптоўна стаў абурацца, што іх не пускаюць на прэс-канферэнцыі і іншыя мерапрыемствы. «Як казала мая ўкраінская бабуля: «Вы што, хочаце выср..цца і не надзьмуцца?»

«Мая злараднасць менавіта адсюль. Чаму я, ідучы на працу, пастаянна трымаю ў галаве думку пра тое, што ёсць законы, якія рэгламентуюць працу журналіста, а вам на гэта начхаць? Чаму я, цытуючы БелТА або любую іншую крыніцу інфармацыі, не лянуюся ў гэтым прызнацца, пакідаючы ў тэксце адпаведную спасылку, а вам улом? І наогул, чаму, працуючы на адным інфармацыйным полі, я павінен прытрымлівацца агульнаўсталяваных правілаў, а, напрыклад, мадам Каравянкова, Золатава або любая іншая Грыцацуева пры гэтым будзе кіравацца выключна ўласнымі ўяўленнямі пра тое, што можна, а чаго нельга?» — пытаецца Крат.

«Мяне ж больш займае цяпер віхлянне гаспадара рэсурсу. Дзяўчынак спадар ужо зліў — маўляў, іх асабістая ініцыятыва. Брава! Не ён іх так вучыў і выхаваў. Не ён патрабаваў такой палітыкі рэсурсу. Не ён яе кантраляваў і не ён яе ўхваляў. Белы і пухнаты і не пры справах. Адціскайцеся, паненкі. Мужык вас больш чым паймеў», — напісаў Крат.

З ім цалкам салідарызаваўся іншы палітычны аглядальнік «СБ» Раман Рудзь.

ЗП

3
мірон / Адказаць
08.08.2018 / 15:04
дык ён міліцыянт, ці журналіст? калі журналіст, дык чаму ён павінен ахоўваць законы?
3
я / Адказаць
08.08.2018 / 15:06
Ну и лексика.... 
3
Ян Севярын Бакей / Адказаць
08.08.2018 / 15:11
Во як! аказваецца, супрацоўнікі "СБ" "прытрымліваюцца агульнаустаноўленых правілаў, ахоўваюць законы" і ўвогуле увесь час трымаюць ў галаве, што ёсьць законы, якія рэглямэнтуюць працу журналіста....  А супрацоўнікі незалежных рэсурсаў (напэўна, асабліва тыя, хто напрыклад на "Белсат" працуюць пад няспынным прэсінгам улады?) аказваецца, настолькі нахабныя, што ігнаруюць законы гуртам і ўраздроб, налева-направа..
Массаракш. Усё перавёрнута з ног на галаву.
Паказаць усе каментары/ 71 /
Каб пакінуць каментар, калі ласка, актывуйце JavaScript у наладах свайго браўзеру