Галоўная рэдактарка БелаПАН Ірына Леўшына (справа) і карэспандэнт Deutsche Welle Паўлюк Быкоўскі (злева ўверсе) застаюцца за кратамі па «справе БелТА».
Яны сустракаюць чарговую ноч у ізалятары на Акрэсціна.
Журналістам інкрымінуецца, што яны мелі доступ да платнай стужкі дзяржаўнага інфармацыйнага агенцтва БелТА.
Апроч іх, па справе праходзяць рэдактары і журналісты TUT.by, Realt.by, «Беларусы і рынак» і некаторых іншых СМІ. Яны вызваленыя.
У адносінах да галоўнага рэдактара TUT.by Марына Золатавай справа перакваліфікаваная на «бяздзеянне службовай асобы». Гэты артыкул прадугледжвае ад штрафа да зняволення на 5 гадоў. Апроч таго, па ім могуць забараніць займаць кіруючыя пасады.
