10.08.2018 / 14:04

Спыніць пастаўкі тытану, адмовіцца ад даляра: як Расія можа адказаць на санкцыі ЗША 22

Напярэдадні Дзярждэпартамэнт ЗША абвясціў аб увядзенні новых санкцый супраць Расіі. Падставай для іх стала атака з выкарыстаннем хімічнай зброі на тэрыторыі краіны НАТА — атручванне экс-палкоўніка ГРУ Сяргея Скрыпаля і яго дачкі Юліі ў брытанскім Солсберы нервова-паралітычным рэчывам «Навічок».

У адказ Расія рыхтуе контрсанкцыі. І хоць у Крамлі называюць размовы аб мерах у адказ заўчаснымі, МЗС РФ абяцае дзейнічаць люстрана, піша tass.ru.

Як могуць выглядаць гэтыя контрмеры?

Найперш, адзначае агенцтва Bloomberg са спасылкай на расейскія крыніцы, Расея можа спыніць пастаўкі рухавікоў РД-180, якія выкарыстоўваюцца ў ракетах-носьбітах Atlas V.

Нягледзячы на санкцыі, у 2018 годзе расійскае НВА «Энергамаш» планавала адправіць у ЗША дзве партыі.

Таксама Расія можа прыпыніць экспарт тытану ў ЗША.

Расійская кампанія «ВСМПО-Авісма» - вытворца тытану, зліткаў і ўсіх відаў паўфабрыкатаў з тытанавых сплаваў, а таксама прэсаваных буйнагабарытных вырабаў з алюмінію, паўфабрыкатаў з легіраваных сталяў і гарачатрывалых сплаваў на нікелевай аснове - закрывае да 40% патрэбаў у тытане амерыканскай кампаніі Boeing.

У Савеце Федэрацыі РФ прагучала думка, што ў адказ на санкцыі Расія павінна адмовіцца ад выкарыстання даляра.

Напрыклад, з Кітаем і Іранам Расія ўжо пачынае гандляваць, выкарыстоўваючы нацыянальную валюту.

Зрэшты, па словах прэс-сакратара прэзідэнта РФ Дзмітрыя Пяскова, Крэмль лічыць заўчасным гаварыць пра меры ў адказ на санкцыі, бо невядома, наколькі цяжкімі яны будуць.

1
Агент Двуйки / Адказаць
10.08.2018 / 14:33
Из непоставленного Боингу титана Россия будет делать санки или ложки?РФ не входит даже в пятерку самых крупных экспортеров титана в мире. Не будут поставлять, сразу же прийдут Китай, Индия, Австралия и другие страны.   
0
LMI / Адказаць
10.08.2018 / 14:35
Гэта нават цікава пачытацьі паразважаць. Магчыма расея і дае зараз 40% тытана для ЗША, але вось яна зусім не адзіная ў сьвеце. Адмовіцца ад даляра. Ну калі ласка. Быў цэлы перыяд - савецкая імперыя - дзе тое было у той ці іншай ступені. А яшчэ можна, як у адным расейскім фільме казаў галоўны герой ("Так не бывае") - Вы мне яшчэ язык пакажыце
1
pb82 / Адказаць
10.08.2018 / 14:38
Воў-воў якія пляны!
Цікава ці фондаваыя рынкі ЗША ўжо рухнулі на фоне такіх заяваў?
На колькі прасядзе даляр да рубля?
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру