11.08.2018 / 13:56

Нямецкая паліцыя ўратавала чалавека ад ваверчаняці 5

Нямецкая паліцыя прыбыла на выклік, каб абараніць чалавека ад нападу малой вавёркі. Калі афіцэры ў горадзе Карлсруэ прыбылі на месца здарэння, яны сталі сведкамі таго, як звярок працягвае тэрарызаваць мужчыну, піша bbc.com.

Калі ваверчаня знясілілася і заснула, яго ўзялі пад варту.

У паведамленні праваахоўнікаў сказана, што грызун стаў іх новым талісманам і яго назвалі Карлам-Фрыдрыхам.

Цяпер яго даглядаюць у цэнтры выратавання жывёл.

Вавёркі звычайна пераследуюць людзей, калі ім патрэбна ежа або дапамога. Прэс-сакратар паліцыі Крысціна Крэнц распавяла, што ваверчаняты, якія страцілі маці, могуць замест іх пераключаць усю сваю ўвагу на чалавека, які ім сустрэнецца. «Гэта можа быць даволі страшна», — сказала яна, дадаўшы, што чалавек, які выклікаў паліцыю, «безумоўна, адчуваў сябе ў небяспецы».

Карл-Фрыдрых цяпер у бяспецы — у выніку яго дзеянняў ніхто не пацярпеў. Але не ўсе гісторыі, у якіх фігуруюць вавёркі, маюць такія шчаслівыя фіналы. Летась група з шасці вавёрак пакусала да моцнага крывацёку трохгадовага хлопчыка ў англійскім графстве Корнуэл.

13
stakan / Адказаць
11.08.2018 / 14:14
Цяпер замест зброі можна выкарыстоўваць вавёрак і Яўропа здасца
3
Northbelarusan / Адказаць
11.08.2018 / 19:30
stakan, няма такога слова ”Яўропа” у беларускай мове.
8
s zybe stakan / Адказаць
12.08.2018 / 00:25
Northbelarusan, а Northbelarusan? Слова ,,Яўропа,, выкарыстоўваецца вясковымі жыхарамі,а ,,Эўропа,, ніхто нідзе не ўжывае..
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру