11.08.2018 / 19:07

Ілан Маск раз'юшыў інвестараў: на яго падалі ў суд 3

Некалькі інвестараў падалі ў суд на Ілана Маска ў сувязі з яго нядаўняй сенсацыйнай заявай аб планах скупіць у акцыянераў каштоўныя паперы Tesla і ператварыць кампанію ў прыватную, піша bbc.com.

Заява аб тым, што Tesla можа стаць прыватнай кампаніяй, прывяла да рэзкага росту кошту акцый кампаніі. Праз некалькі гадзін пасля публікацыі заявы Маска акцыі Tesla выраслі на 11% і таргаваліся амаль па 380 даляраў за штуку.

Тыя інвестары, якія іграюць на біржы на паніжэнне, з-за заявы Ілана Маска панеслі вялікія страты — па іх словах, гаворка ідзе пра мільёны даляраў. Цяпер яны абвінавачваюць Маска у тым, што ён увёў інвестараў у зман.

Пазовы пададзеныя ў федэральны суд Сан-Францыска. Адзін з пазоўнікаў — Калман Айзекс — сцвярджае, што сваёй заявай Маск хацеў цалкам пазбавіцца ад «мядзведзяў» — інвестараў, якія граюць на біржы на паніжэнне.

Пазоўнік Уільям Чамберлайн лічыць, што Ілан Маск парушыў федэральныя законы і дамогся штучнага росту кошту акцый Tesla. Сам Маск пакуль не пракаментаваў абвінавачванні і інфармацыю аб падачы пазоваў у дачыненні да яго.

1
Элтон Макс / Адказаць
12.08.2018 / 02:46
Маск готов купить окции по цене 420 - все инвесторы кто вложил деньги в теслу только рады и более того никто никого не заставляет продавать акции. Для компании это хорошо. А медвежатники пускай не ноют, их никто не заставлял играть на понижение.
0
Satan / Адказаць
12.08.2018 / 11:39
А так можно было? Подам в суд на Сатоши, когда биток начнет расти!
1
XO / Адказаць
12.08.2018 / 21:39
Звычайны махляр. Кожную праблему «вырашае» чарговай порцыяй лухты для сваіх хамячкоў. Пры гэтым плюе на законы і правілы - з-за такіх злачынцаў людзі перастаюць верыць у капіталізм і співаюцца. Махлярам месца ў турме. Усе гэтыя хіпстарскія кампаніі - Тэранас, Убер, Тэсла - нічога не стварылі, толькі «развялі» інвестараў на грошы абяцанкамі «будучыні».
Каб пакінуць каментар, калі ласка, актывуйце JavaScript у наладах свайго браўзеру