pixabay.com
Навукоўцы Універсітэта Макмастэра (Канада) высветлілі, што ўжыванне менш за пяць грамаў харчовай солі ў дзень не павялічвае рызыку развіцця гіпертэнзіі і звязаных з ёй сардэчна-сасудзiстых захворванняў (ССЗ). Артыкул з вынікамі навуковай працы апублікаваны ў часопісе The Lancet.
У даследаванні прынялі удзел 95 767 здаровых добраахвотнікаў ва ўзросце 30-75 гадоў з 369 населеных пунктаў па ўсім зямным шары. Навукоўцы ўзялі ўзоры мачы для ацэнкі штосутачнага спажывання соляў натрыю, а таксама памералі крывяны ціск. На выбарцы з 82 544 чалавек была вызначана захворванне ССЗ.
Аказалася, што ўдзельнікі з 80% ацэньваных населеных пунктаў у Кітаі спажываюць больш за пяць грамаў солі ў дзень, у той час як у іншых рэгіёнах каля 3-5 грама солі ў дзень. Пры гэтым сісталічны артэрыяльны ціск павялічваўся на 2,86 міліметра на кожны дадатковы грам солі. Аднак пры гэтым празмерна нізкае спажыванне солі таксама павялічвае рызыку сардэчна-сасудзiстых захворванняў. Ніякай сувязі паміж спажываннем соляў натрыю з ССЗ не назіралася пры ўзроўні спажывання 4,7 грама ў дзень.