Чэнь Шуйбянь, фота AP |
Яго абвінавачваюць у адмываньні грошай, а таксама нямэтавым выкарыстаньні спэцыяльнага прэзыдэнцкага фонду цягам васьмі гадоў знаходжаньня на найвышэйшай дзяржаўнай пасадзе.
Былому прэзыдэнту закідаюць растрату 480 тыс. даляраў.
Сам ён адмаўляе сваю віну і вінаваціць новую дзяржаўную адміністрацыю ў тым, што яна перасьледуе яго, каб спадабацца Пэкіну.
Чэнь Шуйбянь — яго паўнамоцтвы скончыліся ў гэтым траўні — зьяўляецца апантаным прыхільнікам незалежнасьці Тайваню. Яго погляды выклікаюць незадавальненьне кітайскага кіраўніцтва.
Допыт былога кіраўніка Тайваню доўжыўся шэсьць гадзін, пасьля чаго яго вывелі ў кайданках і некуды павезьлі.
Перад тым як сесьці ў машыну, Чэнь Шуйбянь прыкрычаў, што лічыць справу палітычнай.