13.08.2018 / 18:20

«Укантакце» дазволіць рабіць профілі карыстальнікаў закрытымі 4

Сацыяльная сетка «Укантакце» анансавала функцыю поўнай прыватнасці профіляў. Карыстальнікі змогуць закрыць свой акаўнт ад іншых асоб.

На працягу месяца кампанія дадасць магчымасць цалкам закрыць свой профіль ад іншых карыстальнікаў, пакінуўшы яго адкрытым толькі для сяброў. Таксама «Укантакце» прыбярэ адлюстраванне спіса людзей, якія зрабілі рэпост таго ці іншага допісу. Гэтая статыстыка застанецца даступнай толькі аўтару публікацыі.

Сацыяльная сетка матывавала такія дзеянні тым, што ў Расіі стаў больш жорсткім кантроль з боку праваахоўнікаў і шматлікіх інтэрнэт-карыстальнікаў судзяць за лайкі і рэпосты мемаў.

Часцяком дзеянні расійскіх праваахоўных органаў відавочна не адпавядаюць патэнцыйнай пагрозе, а іх рэакцыя на запісы ў каментарах або мемы ў стужцы аказваецца нематывавана жорсткай.

0
радашковец / Адказаць
13.08.2018 / 18:36
А фсб будзе ведаць усе
1
НАСА / Адказаць
13.08.2018 / 19:24
радашковец, і сажаць за посты )) 
0
Шляхціц размазня / Адказаць
13.08.2018 / 20:14
Калі вы не хочаце пазалішняй ўвагі з боку расейскай фсб, даўно пара вылаліцца з вк, а лепш было ўвогуле не рэгістравацца там.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру