14.08.2018 / 17:06

Tut.by: «Санта Брэмар» Машэнскага купіла сетку крам «Рублёўскі» 18

Сетка ўніверсамаў «Рублёўскі» ў жніўні змяніла ўласніка. Як пацвердзіла Tut.by крыніца, блізкая да аднаго з бакоў, угоду ўжо склалі. Пра суму пагаднення не паведамляецца.

Пакупніком «Рублёўскага» стала «Санта Брэмар» Аляксандра Машэнскага, асноўнымі актывамі якога з'яўляюцца вытворчасць малочнай і рыбнай прадукцыі — «Савушкаў прадукт» і «Санта Брэмар».

Сетка «Санта» актыўна стварае свае крамы і плануе быць сярод вядучых рытэйлераў, расказвалі ўдзельнікі рынку ў пачатку 2018 года. У планах на гэты год было павялічыць колькасць гандлёвых аб'ектаў на 40%, прыкладна да 100 крам.

Сетка універсамаў «Рублёўскі» заснавана ў 2003 годзе. Сёння ў яе ўваходзяць 73 крамы. Сетка прысутнічае ва ўсіх абласных цэнтрах Беларусі. У Мінску ў сеткі 53 крамы. Агульная колькасць супрацоўнікаў — больш за 4 тысячы чалавек.

Саўладальнікамі «Рублёўскага» называлі Аляксея Лойку, Георгія Рагазінскага і Сяргея Ткачука. Аляксей Лойка на запыт Tut.by пра продаж не адказаў.

1
Аугментин / Адказаць
14.08.2018 / 17:25
Грязь, вонь, просрочка - вот мое субъективное мнение о Рублевских магазинах.
5
Йа / Адказаць
14.08.2018 / 17:26
Ненуачо Поднялся за наш счёт на дурных ценах на рыбу и на химии в ней, чо б не вложиться в сеть реализации своей химии по стране! Персонал тот же останется? Магазы останутся теми же мусорками, что зайти противно?
4
Алесь Марысевіч / Адказаць
14.08.2018 / 17:35
мо бамжатнік гэты зменяць :))
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру