Абрушэнне аўтамабільнага моста ў Генуі адбылося з-за чалавечай памылкі, размовы пра выпадковасць няма, заявіў пракурор італьянскага горада Франчэска Коццы, піша ria.ru.
Паводле яго слоў, пракуратуры, якая адкрыла справу, трэба будзе сабраць дакументы і паказанні, якія адносяцца да будаўніцтва моста і работ па яго абслугоўванні.
«Мы павінны адказаць на адно-адзінае пытанне: чаму гэта здарылася? Гэта наша задача, дзеля яе мы зробім усё неабходнае», — дадаў ён.
Пры гэтым міністр эканамічнага развіцця Італіі, віцэ-прэм'ер Луіджы Дзі Маё ўсклаў усю адказнасць за абвальванне моста на кампанію Autostrade per l'Italia, якая займаецца кіраваннем і ўтрыманнем аўтадарог краіны. Паводле яго слоў, міністэрства ўжо пачало працэдуру скасавання канцэсійных пагадненняў з Autostrade per l'Italia.
