15.08.2018 / 17:19

Генадзь Караткевіч з Гомеля стаў найлепшым на Google Code Jam у пяты раз запар 7

Ураджэнец Гомеля Генадзь Караткевіч перамог на міжнародных спаборніцтвах па праграмаванні Google Code Jam у Таронта. Ён стаў першым пяціразовым чэмпіёнам, піша Dev.by.

Google Code Jam праводзяць з 2003 года. Спаборніцтвы з'яўляюцца адным з самых масавых і прэстыжных чэмпіянатаў па праграмаванні ў свеце.

У гэтым годзе колькасць удзельнікаў перавысіла 60 тысяч чалавек. Па ўмовах спаборніцтва, кандыдаты на перамогу павінны былі рашыць пяць задач за чатыры гадзіны. Заданні разбітыя на дзве часткі — «простую» і «складаную». У гэтым годзе была і асаблівасць: калі раней праграмісты маглі выбіраць АС, у якой будуць працаваць, то ў 2018-м на ўсіх спаборніцкіх ПК стаяў толькі Linux.

Беларус набраў 104 балы, якіх было дастаткова, каб атрымаць галоўны прыз у 15 тысяч даляраў.

Караткевіч плануе працягнуць навучанне ў аспірантуры ў Санкт-Пецярбургу. Больш за тое, адзін з уступных экзаменаў ён здаў дыстанцыйна з Таронта.

23-гадовы Генадзь Караткевіч — адзін з самых тытулаваных спартыўных праграмістаў у свеце. Акрамя Google Code Jam, за яго плячыма дзве перамогі на міжнародным чэмпіянаце па праграмаванні ACM ICPC і пяць перамог у «Яндэкс.Алгарытме».

0
Алесь / Адказаць
15.08.2018 / 18:32
Віншаванні і пажаданні далейшых поспехаў Генадзю! 

Прыстойныя ўмовы для жыцця і працы ў Беларусі трэба ствараць для такіх хлопцаў, а не для какеістаў з біятланістамі.
0
Владимир / Адказаць
15.08.2018 / 19:14
Парень молодец! Крепко жму руку!
0
Нонстоп / Адказаць
15.08.2018 / 19:37
Алесь, і адпаведныя інтэлектуальныя спаборніцтвы замест нікому непатрэбнага, акрамя спартоўца, дзяржаўнага мартантрацтва на падрыхтоўку плюс прызавых у 150 тысяч $ за алімпійскую мэдальку. 
Дарэчы, улічваючы, што "не ўсе паганае павязана з імем Гітлера", цікава параўнаць форму галавы гэтага маладога талента з формай галавы аднаго кіраўніка.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру