17.08.2018 / 14:59

Пад Івацэвічамі вясковец адстрэльваўся ад міліцыі: адзін участковы забіты, другі ў рэанімацыі абноўлена 105

У вёсцы Бабровічы, што ў Івацэвіцкім раёне, мясцовы 57-гадовы жыхар Сяргей Дз. закрыўся ў сваім доме са стрэльбай. Мужчына параніў аднаго міліцыянта, другога — забіў. Урэшце Следчы камітэт паведаміў, што вясковец абясшкоджаны і затрыманы.

фота Радыё Свабода

Як паведамляе брэсцкая міліцыя, каля 12:00 падчас мерапрыемстваў па праверцы законнасці захоўвання зброі ў насельніцтва супрацоўнікі Івацэвіцкага РАУС праводзілі рэйд у вёсцы Бабровічы.

«Пры падыходзе да дома мясцовага жыхара 1961 года нараджэння, у якога, па інфармацыі праваахоўнікаў, магла мецца незарэгістраваная паляўнічая стрэльба, апошні раптам адкрыў агонь на паражэнне па міліцыянтах», — адзначаецца ў прэс-рэлізе абласной міліцыі.

«У адным з двароў вёскі Бабровічы быў забіты 42-гадовы ўчастковы інспектар міліцыі, яшчэ адзін, 23-гадовы, — паранены і шпіталізаваны», — паведаміў Следчы камітэт.

Што падштурхнула Сяргея Дз. на страляніну будуць высвятляць следчыя.

«Але ён не піў. Дзіўнаваты быў мужык, было трохі заўважна па ім, што не ўсё ў парадку. З некаторымі аднавяскоўцамі не размаўляў увогуле. Чамусьці едзіў у краму толькі ў суседнія вёскі ці ў Целяханы, у бабровіцкую краму чамусьці не хадзіў… Але відавочных праблем з псіхікай ці дыягназу не меў. Жыў адзін. Спачатку даглядаў маці, атрымліваў за гэта грашовую дапамогу. Але пасля маці забралі сёстры ў Івацэвічы. Сяргей застаўся ў вёсцы. Нідзе не працаваў. Жыў за грошы, якія давалі сваякі, сям’я ў іх вялікая, некалькі братоў, некалькі сясцёр», - распавёў «Нашай Ніве» знаёмы з Сяргеем Дз. вясковец.

Загінулы ўчастковы — Ігар Лукашэвіч. У яго засталася жонка і непаўналетні сын.

«Бабровічы былі нават не яго ўчасткам. У нас цяпер няма ўчастковага, і вось Лукашэвіч выконваў абавязкі», - кажуць у вёсцы.

Другі інспектар, Дзяніс Сагановіч, у бальніцы, яму робяць аперацыю. Некалькі драбінаў знаходзяцца ў целе міліцыянта, адна пашкодзіла страўнік.

УШ

19
МатрУна / Адказаць
17.08.2018 / 15:04
ну , щас дадуць волю милицыи страляць на паражэнне кожнага , хто паглядзиць не так ((
24
дзе грошы, Расея? / Адказаць
17.08.2018 / 15:10
давялі народ
56
Тамара / Адказаць
17.08.2018 / 15:14
Растраляюць дурня.
Паказаць усе каментары/ 105 /
Каб пакінуць каментар, калі ласка, актывуйце JavaScript у наладах свайго браўзеру