Прэзідэнт Егіпта Абдэль Фата аль-Сісі (Abdel Fattah el-Sisi) падпісаў закон, які ўзмацняе кантроль за інтэрнэтам. Згодна з дакументам аб «кіберзлачыннасці», сайт заблакуюць, калі ён пагражае нацыянальнай бяспецы або падрывае эканамічнае становішча. За наведванне такіх рэсурсаў пагражае штраф або турэмнае зняволенне.
На думку егіпецкіх уладаў, новы закон неабходны для барацьбы з тэрарызмам. Мясцовыя праваабаронцы абвінавачваюць дзейсны ўрад у спробах здушыць палітычныя рознагалоссі ў краіне.
Па дадзеных СМІ, у краіне заблакавалі звыш 500 сайтаў.
За наведванне заблакаваных сайтаў пагражаюць штрафы да 20 тысяч егіпецкіх фунтаў. Інтэрнэт-правайдары павінны будуць сачыць за актыўнасцю карыстальнікаў і перадаваць інфармацыю па патрабаванні.