20.08.2018 / 07:09

Горад у Аўстраліі перажывае нашэсце страусаў 3

pixabay.com

Невялікі шахцёрскі гарадок Брокен-Хіл у аўстралійскім штаце Новы Паўднёвы Уэльс літаральна пазапаўнялі страусы эму, якія сюды прыйшлі ў пошуках вады і ежы, піша Бі-бі-сі.

«Яны гуляюць па галоўнай вуліцы горада, іх тут цэлыя натоўпы», — кажа прадстаўніца службы па выратаванні дзікіх жывёл Эма Сінглтан.

Прычынай такога нашэсця спецыялісты называюць незвычайную засуху, ад якой пакутуюць не толькі жывёлы, але і людзі.

Новы Паўднёвы Уэльс, самы густанаселены штат Аўстраліі, вырабляе чвэрць усёй сельскагаспадарчай прадукцыі краіны.

8 жніўня на ўсёй тэрыторыі штата была афіцыйна абвешчана засуха, а прэм'ер-міністр Малькальм Тэрнбул паабяцаў пацярпелым фермерам матэрыяльную дапамогу 1,3 мільярда даляраў ЗША.

Між тым, па паведамленнях аўстралійскай тэлерадыёвяшчальнай кампаніі Эй-бі-сі, у Брокен-Хіле, у 935 км на захад ад Сіднэя, эму ладзяць гонкі па галоўнай вуліцы горада, робяць налёты на сады і нават урываюцца на футбольныя палі падчас матчаў.

«На стадыёне вось ужо некалькі тыдняў жывуць 14 страусаў, і мясцовыя жыхары прыносяць ім ваду і корм», — распавядае Эма Сінглтан.

У інтэрв'ю Эй-бі-сі яна падкрэсліла, што да іх у арганізацыю штодня паступаюць званкі ад грамадзян, заклапочаных лёсам птушак.

0
I'm sorry, Dave. I'm afraid I can't do that / Адказаць
20.08.2018 / 09:51
Інтэнсіўная сельская гаспадарка знішчыла экасістэму рэк Мюррэй-Дарлінг. Гэта праходзілі яшчэ ў 30 год таму ў школках, зараз бачым як яно. І ў нас тое самае. Толькі птушкі меньшыя.
1
Сяргей Грышаненка / Адказаць
20.08.2018 / 11:57
Я вырашыу праверыць гэтую инфармацыю у трох найбуйнейшых аустралийских навинавых сайтах. Ниводны з их ничога не писау пра страусиныя набеги за апошния пару дзён.
0
Вялет / Адказаць
20.08.2018 / 13:14
Нам бы аўстралійскія праблемы
Каб пакінуць каментар, калі ласка, актывуйце JavaScript у наладах свайго браўзеру