21.08.2018 / 14:14

Беларускі школьнік спажывае ў шэсць разоў болей солі за амерыканскага. Гэта хочуць выправіць 8

Пытаньне аб увядзеньні ў рацыён беларускіх школьнікаў дадатковай шклянкі малака «вывучаюць адпаведныя органы дзяржаўнага кіраваньня». Пра гэта паведаміла 21 жніўня загадчыца аддзелам Рэспубліканскага цэнтру гігіены, эпідэміялёгіі і грамадзкага здароўя Ала Малахава, піша Радыё Свабода.

«Дасьледаваньні паказваюць, што дзецям у школах не хапае малака. Таму мы лічым неабходным увесьці ў мэню школьных сталовак дадатковую шклянку малака альбо прадукту, які можа разглядацца як ягоны замяняльнік: напрыклад, тварожная паста ці ёгурт», — сказала Малахава.

Соль і цукар — галоўная небясьпека для беларускага вучня

«Найбольшы нэгатыўны ўплыў на здароўе вучняў аказвае залішняе ўжываньне імі солі. Так, норма харчаваньня беларускага школьніка прадугледжвае, што ён павінен зьядаць цягам сутак 6-8 грамаў солі. Адпаведная норма для вучняў Злучаных Штатаў Амэрыкі складае 1,2 грама», — сказаў журналістам начальнік аддзела харчаваньня Навукова-практычнага цэнтру Нацыянальнай Акадэміі навук Беларусі па харчаваньні Валер Шылаў.

Паводле навукоўца, у сярэднім жыхар Беларусі ўжывае 10,6 грамаў солі на суткі, што ў 2 разы больш, чым рэкамэндуе Усясьветная арганізацыя аховы здароўя.

«Дзеля памяншэньня ўжываньня солі ў школьных сталовых зараз распрацоўваецца новая тэхналёгія прыгатаваньня каўбас», — паведаміла намесьнік дырэктара Інстытуту мяса-малочнай прамысловасьці Натальля Фурык. — З дапамогай навукоўцаў Беларускага дзяржаўнага ўнівэрсытэта мы спадзяемся зьнізіць наяўнасьць солі ў каўбасах на 30%. Думаю, што з новага году мы зможам наладзіць выпуск такіх каўбас».

Разам з тым утрыманьне цукру ў харчаваньні школьнікаў плянуюць зьнізіць на 30-35%.

Швэдзкі стол у школах

«Для таго, каб кардынальным чынам вырашыць праблемы харчаваньня вучняў у школьных сталоўках, найлепшым выглядае ўвядзеньне ў школах швэдзкага стала», — лічыць Валер Шылаў.

Паводле яго, экспэрымэнты ў некалькіх школах паказалі, што адкідаў пры такім харчаваньні практычна няма, бо вучні самі выбіраюць тое, што ім падабаецца.

«І наогул харчаваньне па выбары найбольш адпавядае цяперашняму часу і магло б добра паўплываць на здароўе дзяцей. А яно, на жаль, выклікае трывогу».

Валер Шылаў адзначыў, што за апошнія 10 год захворваньні дзяцей у школах Менску павялічыліся на траціну, і ў гэтым сваю вялікую нэгатыўную ролю адыгрывае няправільнае харчаваньне.

1
Сяргей / Адказаць
21.08.2018 / 14:31
Памятаю, якім катаваннем  было выпіць шклянку кіпячанага гарачага малака - што ў хаце, што ў школе. Асабліва, калі яно было астылае і ў шклянцы плавала "пенка", альбо падгарэлае і тады ішоў смурод. 
Добра, калі кіпячанае малако давалі дома, бо гэта адбывалася толькі падчас захворвання, але калі ў школе і рэгулярна... 

1
Гость / Адказаць
21.08.2018 / 14:38
И каким образом наши заставят американцев есть больше соли ?
2
Айболит / Адказаць
21.08.2018 / 14:42
Типа молоко полезней соли! Яд и то, и другое, а уж тем более так называемые колбасы. Вы бы фрукты и овощи ввели в рацион детей, а не продукты вызывающие брожение и гниение.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру