21.08.2018 / 17:43

Velcom следам за МТС абвясціў пра падвышэнне тарыфаў 7

Аператар Velcom абвясціў аб павышэнні тарыфаў з 1 верасня. Нагадаем, раней аб павышэнні тарыфаў паведаміў МТС.

Памер абаненцкіх плат, адначасовых узносаў, а таксама кошт выходных выклікаў на нумары беларускіх абанентаў, міжнародных званкоў, мабільнага інтэрнэту, SMS, MMS, спецыяльных і дадатковых паслуг для фізічных і юрыдычных асоб павялічацца не больш чым на 2,9%.

Пры гэтым без зменаў застануцца:

  • кошт тарыфных планаў фіксаванай сувязі;
  • абаненцкая плата тарыфнага плана lemon;
  • памер платы за актывацыю бонусаў тарыфных планаў «Турыст», «Сувязь без абавязацельстваў»;
  • тарыфы на паслугі роўмінгу, кошт пакетаў і тарыфных планаў, якія ўключаюць хвіліны, SMS, інтэрнэт-трафік для выкарыстання ў роўмінгу;
  • кошт дадатковых паслуг.

Памеры штомесячных плацяжоў па растэрміноўцы за абсталяванне ў рамках раней заключаных дамоваў таксама не зменяцца.

Адначасова патаннее кошт мабільнага інтэрнэту для большасці тарыфных планаў лінейкі PRIVET. Так, кошт 1 МБ у рамках некаторых тарыфных планаў знізіцца больш чым у 13 разоў.

Акрамя таго, з 1 верасня ўсім абанентам тарыфных планаў «Пенсійны» і «Сацыяльны» штомесяц будзе налічвацца 100 МБ інтэрнэт-трафіку.

2
Цынік / Адказаць
21.08.2018 / 18:00
Падобна да карпаратыўнай змовы. Куды антыманапольное ведамства глядзіць?
0
Білі Бонс / Адказаць
21.08.2018 / 18:08
Што МТС, што  Вэлком... І калі ж яны наядуцца ўжо?
0
папагена / Адказаць
21.08.2018 / 18:59
Цынік, гэта заўжды вырашаецца на адным дыване, у мінгандлю.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру