27.08.2018 / 12:38

Мужчына быў п’яны, цяпер можа сесці на 6 гадоў: СК агучыў свае падрабязнасці бойкі пінчука з даішнікам 43

Гучны канфлікт адбыўся ў Пінску: пешаход палез у бойку з даішнікам. Міліцыянт у адказ заламаў яго, ад удушальнага прыёма мужчына страціў прытомнасць.

Жонка мужчыны распавяла «Нашай Ніве», што мужа адвезлі ў бальніцу, пасля забралі ці то ў міліцыю, ці то ў Следчы камітэт. Яна ўпэўненая — муж ні ў чым не вінаваты.

Пінскае ДАІ сітуацыю не каментуе.

Следчы камітэт Брэсцкай вобласці паведамляе, што пінчука падазраюць у гвалце ў дачыненні да супрацоўніка органаў унутраных спраў.

«Па дадзеных следства, 26 жніўня прыкладна ў 14:50, 46-гадовы жыхар Пінска, будучы ў стане алкагольнага ап'янення, ужыў гвалт у дачыненні да інспектара ДПС АДАІ Пінскага ГАУС, які знаходзіўся пры выкананні службовых абавязкаў і ажыццяўляў вядзенне адміністрацыйнага працэсу», — паведаміў афіцыйны прадстаўнік СК па Брэсцкай вобласці Дзмітры Іванюк.

Мужчыну праверылі на алкаголь — паказала 1,07 праміле. На яго завялі крымінальную справу за напад на міліцыянта. Цяпер пінчуку пагражае да 6 гадоў калоніі. Пакуль ён затрыманы, знаходзіцца пад вартай. Раней ён ужо быў судзімы.

УШ

12
Васіль / Адказаць
27.08.2018 / 12:59
Неабходна накіраваць у Пінск следчую групу са сталіцы,разабрацца ,як быў падрыхтаваны напад,хто саудзельнікі,група падтрымкі ,ці звычайныя выпадковыя людзі маральна падтрымлівалі мужыка ці арганізавана ...
38
Не бот / Адказаць
27.08.2018 / 13:00
Стоило бы уточнить, за что был ранее судим и снята ли судимость. Короче, подведем итоги: ранее судимый мужчина в состоянии алкогольного опьянения наносит гаишнику удар в лицо во время ведения административного процесса за то, что гаишник эвакуирует авто, припаркованное не по правилам, и к которому мужчина не имеет никакого отношения. И потом ещё кто-то кидает в сторону гаишника грязь. С таким правосознанием кто-то критикует милицию.
2
LMI / Адказаць
27.08.2018 / 13:03
На жаль - гэта было відавочна адразу. Тым ня мент не меншы ......., бо нават для мента існуе правіла ўжываньня сілы
Паказаць усе каментары/ 43 /
Каб пакінуць каментар, калі ласка, актывуйце JavaScript у наладах свайго браўзеру