27.08.2018 / 17:19

«Белавія»: На борце паменела беларускай мовы, бо яе не разумеюць армяне і туркмены 46

Пасажыры «Белавія» усхваляваныя: ад 1 жніўня ў самалётах беларускай авіякампаніі амаль перастала гучаць беларуская мова.

Вось што піша ў сваім фэйсбуку Дзмітрый Дрыгайла, віцэ-прэзідэнт кампаніі «ТэлеТрэйд»:

«Фактычна па-беларуску бортправаднікі толькі вітаюцца, а ўсю астатнюю інфармацыю: дэманстрацыю аварыйна-выратавальных прыстасаванняў, прапанову ежы-напояў, гатоўнасць да вылету агучваюць толькі па-руску і па-англійску. Пілоты таксама вітаюць пасажыраў на борце самалёта па-руску. Адсюль вынікае лагічнае пытанне: чаму так? І чаму нельга рабіць абвесткі па-беларуску?»

Гэтыя пытанні мы адрасавалі прэс-сакратарцы «Белавія» Вользе Шчуко.

«Беларуская мова не знікала з бортаў беларускага перавозчыка, моўныя змены закранулі толькі iнфармацыю ў частцы дэманстрацыі ўзлётна-выратавальнага абсталявання.

Мы з павагай ставімся да беларускай мовы і менавіта таму, уся іншая інфармацыя (прывітанне, інфармацыя аб харчаванні, важная інфармацыя перад узлётам і пасадкай і іншае) аб'яўляецца бортправаднікамі на беларускай мове.

Дэманстрацыя выратавальнага абсталявання — адна з самых важных частак інфармацыі, якую бортправаднікі абавязаны данесці да пасажыраў.

Авіякампанія «Белавія» робіць усё, каб палёт праходзіў, у першую чаргу, бяспечна і камфортна.

Змены ў моўнай падачы інструктажа звязаны з вялікай колькасцю зваротаў грамадзян Казахстана, Туркменістана, Азербайджана, Грузіі, Арменіі і іншых, якія не валодаюць ні беларускай, ні англійскай мовамі, але разумеюць рускую», — гаворыцца ў афіцыйным пісьмовым адказе «Белавія».

Наталля Тур

6
Anarkisto / Адказаць
27.08.2018 / 17:27
Ня лётайце белавiяй. Няхай ёй лётаюць армяне ды туркмены
6
mnb / Адказаць
27.08.2018 / 17:33
Ніякай рускай мовы не павінна быць наогул. Трэба толькі беларуская і ангельская. Армяне, туркмены і іншыя іншаземцы павінны адчуваць розніцу паміж РФ і Беларуссю.
2
Замежнік / Адказаць
27.08.2018 / 17:36
Уяўляю сабе Люфтганзу: мы больш не выкарыстоўваем нямецкую мову, бо яе не разумеюць туркі і арабы )
Паказаць усе каментары/ 46 /
Каб пакінуць каментар, калі ласка, актывуйце JavaScript у наладах свайго браўзеру