Сёння праваслаўныя святкуюць Ушэсце (Успеніе, Унебаўзяцце) Божай Маці. У народзе — Прачыстая (або Спленне)
Свята ўзнікла ў ІV ст. на ўшанаванне Маці Божай. Спачатку яго называлі «Успамінам Святой Марыі». Пазней бытавалі назвы «Успенне Марыі» (V ст.), «Пераход» (VІ ст.), а потым «Унебаўзяцце» (VІІІ ст.). З VІ ст. на Усходзе 15 жніўня пачало адзначацца свята «шлях Марыі дадому».
Унебаўзяцце з’яўляецца адной з галоўных урачыстасцяў на працягу літургічнага года.
У Беларусі ў гэты дзень асвячаюць новы ўраджай (дажынкавыя снапы, садавіну, гародніну), а таксама зёлкі і кветкі. Букеты асвечаных раслінаў заносяць дамоў і высушваюць. Іх прызначэнне — ахоўваць ад хвароб.
Католікі адзначалі Прачыстую 15 жніўня.
А 29 жніўня ў праваслаўнай грамады — Арэхавы (Трэці) Спас. Лета завяршаецца.
