28.08.2018 / 23:23

73-гадовы дзядуля Юзаф з Віцебска зваліў дамушніка накаўтам 21

Былы трактарыст з Тарнага справіўся са злодзеем без міліцыі, што забраўся ў яго дом. 73-гадовы дзядуля адправіў рэцыдывіста ў накаўт адным ударам левай рукі, пішуць Народныя навіны Віцебска.

Абкасіўшы свой участак на вуліцы Даніленкі, Юзаф Каласёнак вырашыў вярнуцца ў дом і пабачыў, што адна з шыбаў разбіта. На кухні ён застаў незнаёмца, які абшукваў памяшканне і складаў у сумку здабычу.

Далей адбылося тое, што на юрыдычнай мове завецца «захоп асобы, якая здзейсніла злачынства», а ў боксе — накаўтам. Адным ударам левай рукі пажылы віцябчук адправіў злодзея чакаць нарада міліцыі на падлозе кухні ў непрытомным стане.

— Затрыманы пенсіянерам мужчына ў міліцыі стаў скардзіцца на гаспадара дома, у які забраўся: маўляў, той ударыў яго рыдлёўкай, — распавёў «ННВ» афіцыйны прадстаўнік УУС Віцебскага аблвыканкама Віталь Сапроненка. — Аднак праверка паказала, што Юзаф Часлававіч справіўся са злачынцам голымі рукамі.

Сам Юзаф Каласёнак свой учынак геройскім не лічыць. А моцную руку тлумачыць тым, што шмат гадоў аддаў працы ў сельскай гаспадарцы, ды і цяпер, выйшаўшы на пенсію, без справы сядзець не прывык. Да пенсіі адважны віцяблянін амаль 40 гадоў адпрацаваў на гусенічным трактары, а цягавы высілак на рычагах муфты счаплення савецкіх «гусенічнікаў», якімі паварочваюць трактар, можа дасягаць 25 кілаграмаў.

0
Арцём / Адказаць
28.08.2018 / 13:44
Красава дедуля! Крепкого здоровья и долгих лет жизни Вам!
0
Jihar / Адказаць
28.08.2018 / 13:44
"Ryčah" - u rasiejskaj movie, "vahar" - u bielaruskaj
0
Сяржук / Адказаць
28.08.2018 / 13:47
А вот интересно, что должен делать человек в такой ситуации, чтобы избежать всяких эксцессов.Что нам скажет великий хапунец Шуневич?  Увидел вора, беги...., увидел бей сколько сможешь.... кричи, пока он тебя ..... напои чаем...... поздоровайся и спроси не хотите ли пройти со мной в овд.....  позови адвоката.... купи ружье.... объяви вору о его правах...
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру